കെ.സി. വേണുഗോപാലിനെതിരെ വ്യാജ അക്കൗണ്ട് വഴി സൈബർ ആക്രമണം
എഐസിസി ജനറൽ സെക്രട്ടറി കെ.സി. വേണുഗോപാലിനെതിരെ വ്യാജ ഫേസ്ബുക്ക് അക്കൗണ്ടുകൾ ഉപയോഗിച്ച് നടക്കുന്ന സൈബർ ആക്രമണങ്ങൾക്കെതിരെ ഡിസിസി പ്രസിഡന്റ് കെ. പ്രവീൺകുമാർ ആഭ്യന്തര മന്ത്രിക്കു പരാതി നൽകി.
Angel Varghese 
കെ.സി. വേണുഗോപാലിനെതിരായ സൈബർ ആക്രമണം: സമഗ്ര അന്വേഷണം വേണമെന്ന് ഡിസിസി പ്രസിഡന്റ് കെ. പ്രവീൺകുമാർ
കോഴിക്കോട്: എഐസിസി ജനറൽ സെക്രട്ടറി കെ.സി. വേണുഗോപാൽ എം.പിക്കെതിരെ വ്യാജ ഫേസ്ബുക്ക് അക്കൗണ്ട് ഉപയോഗിച്ച് നടത്തുന്ന സൈബർ ആക്രമണങ്ങളെക്കുറിച്ച് സമഗ്ര അന്വേഷണം നടത്തി കുറ്റക്കാരെ കണ്ടെത്തണമെന്ന് ഡിസിസി പ്രസിഡന്റ് കെ. പ്രവീൺകുമാർ ആവശ്യപ്പെട്ടു. ഇതുമായി ബന്ധപ്പെട്ട് ആഭ്യന്തര മന്ത്രി രമേശ് ചെന്നിത്തലയ്ക്ക് അദ്ദേഹം നിവേദനം നൽകി.
കോൺഗ്രസിന്റെ ദേശീയ തലത്തിൽ പ്രവർത്തിക്കുന്ന ഉന്നത നേതാവായ വേണുഗോപാൽ അറിയാത്ത വിഷയങ്ങളിൽ അദ്ദേഹത്തെ അനാവശ്യമായി വലിച്ചിഴച്ച് അപമാനിക്കാൻ ചില കേന്ദ്രങ്ങൾ ബോധപൂർവം ശ്രമിക്കുന്നതായി സംശയിക്കുന്നുവെന്ന് പ്രവീൺകുമാർ നിവേദനത്തിൽ ചൂണ്ടിക്കാട്ടി.
അദ്ദേഹം നേരിട്ട് ഇടപെടാത്ത കാര്യങ്ങൾ പോലും അദ്ദേഹത്തിന്റെ ചുമലിൽ വെച്ചുകെട്ടി ദേശീയ രാഷ്ട്രീയത്തിൽ നിറഞ്ഞുനിൽക്കുന്ന വേണുഗോപാലിനെ അപകീർത്തിപ്പെടുത്താനാണ് ഇവർ ശ്രമിക്കുന്നത്. ഇതിന്റെ പിന്നിൽ പ്രവർത്തിക്കുന്നവരെ നിയമത്തിനു മുന്നിൽ കൊണ്ടുവന്ന് മാതൃകാപരമായി ശിക്ഷിക്കണമെന്നും അടിയന്തരമായി അന്വേഷണത്തിന് ഉത്തരവിടണമെന്നും പ്രവീൺകുമാർ ആവശ്യപ്പെട്ടു.
