ശിവഗിരി മഠം പ്രസിഡന്റ് ബ്രഹ്മശ്രീ സച്ചിദാനന്ദ സ്വാമിയുടെ ജീവിതം ഡോക്യുമെന്ററിയാകുന്നു
Siva Prasad 
ശിവഗിരി മഠം പ്രസിഡന്റ് ബ്രഹ്മശ്രീ സച്ചിദാനന്ദ സ്വാമിയുടെ ജീവിതം ഡോക്യുമെന്ററിയാകുന്നു: 'ദി പാത്ത് ഓഫ് വിഷൻ' ചിത്രീകരണത്തിന് ചാലക്കുടിയിൽ തുടക്കമായി
ചാലക്കുടി: ശിവഗിരി മഠം പ്രസിഡന്റ് ബ്രഹ്മശ്രീ സച്ചിദാനന്ദ സ്വാമിയുടെ ആത്മീയ ജീവിതപഥവും, ശിവഗിരി മഠം ഏറ്റെടുത്ത് മുന്നോട്ട് കൊണ്ടുപോകുന്ന നവോത്ഥാന ദൗത്യവും ദൃശ്യവത്കരിക്കുന്ന 'ദി പാത്ത് ഓഫ് വിഷൻ' (The Path of Vision) എന്ന ഡോക്യുമെന്ററിയുടെ ചിത്രീകരണം ആരംഭിച്ചു. ചാലക്കുടി ഗായത്രി ആശ്രമത്തിൽ വെച്ച് നടന്ന പൂജാ ചടങ്ങോടെയാണ് 75 മിനിറ്റ് ദൈർഘ്യമുള്ള ഡോക്യുമെന്ററിക്ക് തുടക്കമായത്.
ബ്രഹ്മശ്രീ സച്ചിദാനന്ദ സ്വാമി സ്വിച്ച് ഓൺ കർമ്മം നിർവഹിച്ച് ചിത്രീകരണത്തിന് തുടക്കം കുറിച്ചു. മുഖ്യാതിഥിയായി നിർമ്മാതാവ് ഗോകുലം ഗോപാലൻ ചടങ്ങിൽ പങ്കെടുത്തു.
പ്രശസ്ത സിനിമാ സംവിധായകൻ മനോജ് പാലോടൻ ആണ് ഡോക്യുമെന്ററിയുടെ സംവിധാനം നിർവഹിക്കുന്നത്. ഷിനു ബി. കൃഷ്ണൻ ആണ് നിർമ്മാതാവ്.
സംഗീത നാടക അക്കാദമി അവാർഡ് ജേതാവ് പ്രകാശ് ഉള്ളിയേരി സംഗീതം ഒരുക്കുന്നു. വി.എസ്. പ്രമോദ് ആണ് ഡോക്യുമെന്ററിയുടെ രചന നിർവഹിച്ചിരിക്കുന്നത്.
വാർത്താപ്രചരണം: പി. ശിവപ്രസാദ്
