പിറന്നാൾ സമ്മാനമായി ഹെനോക് ഫോറൻസിക് സർജനായി ഞെട്ടിക്കാൻ ദിലീപ്

ദിലീപിന്റെ ജന്മദിനത്തിൽ 'ഹെനോക്' ഫസ്റ്റ് ലുക്ക് പോസ്റ്റർ പുറത്തുവിട്ടു; ഡോക്ടർ ലിയോ തോമസായി താരം

​കൊച്ചി: ജനപ്രിയ നായകൻ ദിലീപിന്റെ ജന്മദിനത്തിൽ അദ്ദേഹത്തിന്റെ പുതിയ ചിത്രം ‘ഹെനോക് – ദി മാൻ ഇൻ ദ മിസ്റ്റ്’ (Henoch - The Man In The Mist) ഫസ്റ്റ് ലുക്ക് പോസ്റ്റർ അണിയറപ്രവർത്തകർ പുറത്തുവിട്ടു. താരത്തിന് ജന്മദിനാശംസകൾ നേർന്നുകൊണ്ട് പുറത്തിറക്കിയ പോസ്റ്ററിലൂടെ ചിത്രത്തിലെ ദിലീപിന്റെ കഥാപാത്രത്തെയാണ് പ്രേക്ഷകർക്ക് പരിചയപ്പെടുത്തിയിരിക്കുന്നത്. 'ഡോക്ടർ ലിയോ തോമസ്' എന്ന ഫോറൻസിക് സർജന്റെ വേഷത്തിലാണ് ചിത്രത്തിൽ ദിലീപ് എത്തുന്നത്.

​എം സ്റ്റാർ എന്റർടെയ്ൻമെന്റ്സിന്റെ ബാനറിൽ ഒരുങ്ങുന്ന ഈ ചിത്രം ഉല്ലാസ് കൃഷ്ണയാണ് സംവിധാനം ചെയ്യുന്നത്. പ്രമുഖ നടൻ ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസാണ് ചിത്രം തിയേറ്ററുകളിലെത്തിക്കുന്നത്. നിഗൂഢതകളും ദുരൂഹതകളും നിറഞ്ഞുനിൽക്കുന്ന ഇൻവെസ്റ്റിഗേഷൻ മിസ്റ്ററി ത്രില്ലർ വിഭാഗത്തിലാണ് ചിത്രം പ്രേക്ഷകരിലേക്ക് എത്തുന്നത്.

​ഓരോ സൂചനകളും പുതിയ ചോദ്യങ്ങളിലേക്ക് നയിക്കുന്ന ‘ഹൂ ഡൺ ഇറ്റ്’ (Who done it) മിസ്റ്ററി ത്രില്ലർ സ്വഭാവത്തിലാണ് ചിത്രത്തിന്റെ പ്രമേയം തയ്യാറാക്കിയിരിക്കുന്നത്. ഒരു ദുരൂഹ സംഭവത്തിന് പിന്നിലെ സത്യം ചുരുളഴിക്കാൻ ശ്രമിക്കുന്ന ഫോറൻസിക് സർജൻ ഡോ. ലിയോ തോമസിന്റെ അന്വേഷണവും അതിലൂടെ പുറത്തുവരുന്ന ഞെട്ടിക്കുന്ന സത്യങ്ങളുമാണ് ചിത്രത്തിന്റെ പ്രധാന ആകർഷണം.

​വലിയ താരനിര തന്നെ ചിത്രത്തിൽ അണിനിരക്കുന്നുണ്ട്. ജോണി ആന്റണി, എമിൽ ജോർജ്, അർജുൻ രാധാകൃഷ്ണൻ, മുകേഷ്, ജഗദീഷ്, പ്രിയ വാര്യർ, ഗ്രേസ് ആന്റണി, ലെന, മാല പാർവതി, മനോജ് കെ.യു, സുധി കോപ്പ, പ്രാർത്ഥന എസ്., ശ്രുതി ജയൻ, ഷാജു ശ്രീധർ, രഘുനാഥ് പലേരി, നിസ്താർ സെയ്ത്, പ്രമോദ് വെളിയനാട്, സോഹൻ സീനുലാൽ, വിനോദ് കെടാമംഗലം, ആശാ മഠത്തിൽ ശ്രീകാന്ത് തുടങ്ങിയവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു.

​അണിയറ പ്രവർത്തകർ:

റോബിനും സംവിധായകൻ ഉല്ലാസ് കൃഷ്ണയും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഛായാഗ്രഹണം: ഷാജികുമാർ, എഡിറ്റിംഗ്: ഷഫീഖ് വി.ബി., സംഗീതം: മുജീബ് മജീദ്, പ്രോജക്ട് ഡിസൈൻ: വേഫെറർ ഫിലിംസ്, എക്സിക്യൂട്ടീവ് പ്രൊഡ്യൂസർ: എമിൽ ജോർജ്, പ്രൊഡക്ഷൻ കോർഡിനേറ്റർ: നോബിൾ ജേക്കബ്, പ്രൊഡക്ഷൻ ഡിസൈനർ: സുനിൽ ദാസ്, മേക്കപ്പ്: റോണക്സ് സേവ്യർ, കോസ്റ്റ്യൂം ഡിസൈനർ: അരുൺ മനോഹർ, അസോസിയേറ്റ് ഡയറക്ടർ: ദീപക് എ. നാരായൺ, പ്രൊഡക്ഷൻ കൺട്രോളർ: ദീപക് പരമേശ്വരൻ, ഡിസൈൻസ്: യെല്ലോ ടൂത്ത്സ്, സ്റ്റിൽസ്: നന്ദു, ഡിജിറ്റൽ പ്രമോഷൻസ്: അനൂപ് സുന്ദരൻ