സിതാര കൃഷ്ണകുമാർ ആലപിച്ച ‘സമരസ’യിലെ ഗാനം പുറത്തിറങ്ങി

‘സമരസ’യിലെ പ്രണയഗാനം മനോരമ മ്യൂസിക് റിലീസ് ചെയ്തു; ചിത്രം ഒക്ടോബർ 30-ന് തിയേറ്ററുകളിലേക്ക്

​കൊച്ചി: സങ്കല്പ ഫ്രെയിംസിന്റെ ബാനറിൽ ബാബുരാജ് ഭക്തപ്രിയം രചനയും സംവിധാനവും നിർവഹിക്കുന്ന പുതിയ ചിത്രമായ "സമരസ"യിലെ മനോഹരമായ വീഡിയോ ഗാനം റിലീസ് ചെയ്തു. "മൊഹബത്തിൻ മൈലാഞ്ചി..." എന്ന് ആരംഭിക്കുന്ന ഗാനം മനോരമ മ്യൂസിക് ആണ് പുറത്തുവിട്ടത്.

​പ്രഭാകരൻ നറുകര എഴുതിയ വരികൾക്ക് അഭയ് എ.കെ. സംഗീതം പകർന്ന് പ്രശസ്ത ഗായിക സിതാര കൃഷ്ണകുമാർ ആലപിച്ച ഗാനമാണ് ഇപ്പോൾ പുറത്തിറങ്ങിയിരിക്കുന്നത്. ഏറെ ആസ്വാദകശ്രദ്ധ നേടുന്ന ഈ ഗാനം സോഷ്യൽ മീഡിയയിൽ തരംഗമാവുകയാണ്.

​'ഇലവീഴാ പൂഞ്ചിറ', 'മന്ദാകിനി', 'റോന്ത്', 'കുട്ടന്റെ ഷിനിഗാമി' എന്നീ ചിത്രങ്ങളിലൂടെ പ്രേക്ഷകരുടെ പ്രശംസ പിടിച്ചുപറ്റിയ അഖില നാഥ് ആണ് സമരസയിൽ കേന്ദ്ര കഥാപാത്രത്തെ അവതരിപ്പിക്കുന്നത്. പ്രശസ്ത നടൻ ഹരീഷ് പേരടി ശക്തമായ ഒരു ഉപകഥാപാത്രമായി ചിത്രത്തിൽ എത്തുന്നുണ്ട്. നിലമ്പൂർ ആയിഷ, പ്രദീപ് ബാലൻ, ദേവരാജ്, ദിനേശ് പട്ടത്ത്, വിജയകൃഷ്ണൻ, വിനോദ് കോഴിക്കോട്, ഹാഷിം ഹുസൈൻ, എം.എ. സേവ്യർ, രത്നാകരൻ, മാളവിക ഷാജി, ബിനി ജോൺ, സുനിത എന്നിവർക്കൊപ്പം നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.

​സുമേഷ് സുരേന്ദ്രൻ ഛായാഗ്രഹണം നിർവഹിക്കുന്ന ചിത്രത്തിൽ പ്രഭാകരൻ നറുകരയുടെ വരികൾക്ക് അഭയ് എ.കെ., ബാബുരാജ് ഭക്തപ്രിയം എന്നിവർ ചേർന്നാണ് സംഗീതം നൽകുന്നത്.

​അണിയറപ്രവർത്തകർ:

​എഡിറ്റർ: ജോമോൻ സിറിയക്

​ആർട്ട് ഡയറക്ടർ: ഷിജു മാങ്കൂട്ടം

​മേക്കപ്പ്: നീന പയ്യാനക്കൽ

​കോസ്റ്റ്യൂംസ്: ശ്രീനി ആലത്തിയൂർ

​സ്റ്റിൽസ്: സുമേഷ് ബാലുശ്ശേരി

​പ്രൊഡക്ഷൻ കൺട്രോളർ: ഗിജേഷ് കൊണ്ടോട്ടി

​ചീഫ് അസോസിയേറ്റ് ഡയറക്ടർ: ദേവ് രാജ്

​അസോസിയേറ്റ് ഡയറക്ടർമാർ: ബേബി പുല്പറ്റ, സുധീഷ് സുബ്രമണ്യൻ

​ഡിസൈൻ: ഡാവഞ്ചി സ്റ്റുഡിയോ

​സങ്കല്പ ഫ്രെയിംസ് റിലീസ് വിതരണത്തിനെത്തിക്കുന്ന 'സമരസ' ഒക്ടോബർ 30-ന് തിയേറ്ററുകളിൽ പ്രദർശനത്തിനെത്തും.