സാനിറ്ററി മാലിന്യ ശേഖരണം വിപുലീകരിച്ച് തൊടുപുഴ നഗരസഭ 
എൺപത്തിയഞ്ച് നാടൻ വിഭവങ്ങളുമായി വിദ്യാർത്ഥികളും അധ്യാപകരും 
ജപ്പാനില് ട്രെയിനിടിച്ച് മരിച്ച മലയാളി യുവതി ദേവികയുടെ ചിതാഭസ്മം നാട്ടിലെത്തിച്ചു 
കരാറുകാരന്റെ വീഴ്ച, വീണ്ടും ടെണ്ടർ കുറ്റിപ്പാല ഫ്ലാറ്റിന്റെ നിർമ്മാണത്തിന് പുതിയ ജീവൻ 
പ്രിയദർശിനി ബസിനുള്ള ഫണ്ട് കൈമാറി പാറക്കൽ അബ്ദുല്ല എം. എൽ. എ. 
നവരാത്രി സർഗ്ഗോത്സവം 2026 ഉപരാഷ്ട്രപതി സി. പി. രാധാകൃഷ്ണൻ ഉദ്ഘാടനം ചെയ്തു സീരിയൽ നടൻ സിദ്ധാർഥ് വേണുഗോപാൽ അന്തരിച്ചു വിടവാങ്ങിയത് കാൻസറിനോട് പൊരുതി
പ്രശസ്ത സീരിയൽ താരം സിദ്ധാർഥ് വേണുഗോപാൽ അന്തരിച്ചു. കാൻസർ ബാധിതനായി ചികിത്സയിലായിരുന്നു. തൃശൂർ ചാലക്കുടി സ്വദേശിയായ താരത്തിന്റെ വിയോഗത്തിൽ കലാകേരളം അനുശോചിച്ചു.
Angel Varghese 
കൊച്ചി: മലയാളം ടെലിവിഷൻ പ്രേക്ഷകരുടെ പ്രിയതാരം സിദ്ധാർഥ് വേണുഗോപാൽ (32) അന്തരിച്ചു. കാൻസർ ബാധിതനായി കഴിഞ്ഞ രണ്ട് വർഷത്തോളമായി ചികിത്സയിലായിരുന്നു. തൃശൂർ ചാലക്കുടി സ്വദേശിയായ സിദ്ധാർഥ് കൊച്ചിയിലെ സ്വകാര്യ ആശുപത്രിയിൽ വെച്ചാണ് അന്തരിച്ചത്. നടി സീമ ജി നായരാണ് മരണവിവരം സോഷ്യൽ മീഡിയയിലൂടെ പങ്കുവെച്ചത്.
സിദ്ധാർത്ഥിനെ ജീവിതത്തിലേക്ക് തിരികെ കൊണ്ടുവരാൻ സീമ ജി നായരുടെ നേതൃത്വത്തിൽ വലിയ പരിശ്രമങ്ങൾ നടന്നിരുന്നു. "പ്രതീക്ഷകൾ അസ്തമിച്ചു, വേദനയില്ലാത്ത ലോകത്തേക്ക് സിദ്ധാർഥ് യാത്രയായി" എന്ന് സീമ ജി നായർ കുറിച്ചു. നടൻ കിഷോർ സത്യ ഉൾപ്പെടെയുള്ള പ്രമുഖർ താരത്തിന് ആദരാഞ്ജലികൾ അർപ്പിച്ചു.
കരിയർ:
സ്വകാര്യ ചാനലിൽ അവതാരകനായി കരിയർ ആരംഭിച്ച സിദ്ധാർഥ്, നിർമ്മാതാവ് അരുൺ ഘോഷിലൂടെയാണ് അഭിനയരംഗത്തേക്ക് എത്തുന്നത്. 'കസ്തൂരിമാൻ', 'ഭാഗ്യജാതകം' തുടങ്ങിയ ജനപ്രിയ പരമ്പരകളിലെ വേഷങ്ങളിലൂടെ ശ്രദ്ധേയനായി. കോളേജ് കാലഘട്ടം മുതൽ പ്രൊഫഷണൽ നാടകങ്ങളിലും സജീവമായിരുന്നു. പരേതനായ വേണുഗോപാലാണ് പിതാവ്. അമ്മയും സഹോദരനുമടങ്ങുന്നതാണ് കുടുംബം
