വൺസ് അപ്പോൺ എ ടൈം ഇൻ കായംകുളം
ZEE5 ന്റെ പുതിയ ഒറിജിനൽ സീരീസ് വൺസ് അപ്പോൺ എ ടൈം ഇൻ കായംകുളം ചിത്രീകരണം ആരംഭിച്ചു
B.V. Arunkumar 
ZEE5-ന്റെ പുതിയ ഒറിജിനൽ സീരീസ് ‘വൺസ് അപ്പോൺ എ ടൈം ഇൻ കായംകുളം’: ചിത്രീകരണം ആരംഭിച്ചു
കൊച്ചി: പ്രമുഖ ഒടിടി പ്ലാറ്റ്ഫോമായ ZEE5-ന്റെ ഏറ്റവും പുതിയ ഒറിജിനൽ സീരീസ് ‘വൺസ് അപ്പോൺ എ ടൈം ഇൻ കായംകുളം’ (Once Upon A Time in Kayamkulam) ചിത്രീകരണം ആരംഭിച്ചു. മലയാളം, തമിഴ് ഭാഷകളിലായി ഒരുങ്ങുന്ന ഈ സീരീസ് ഒരു നാട്ടിൻപുറം കോമഡി ത്രില്ലറാണ്. ‘കമ്മട്ടം’, ‘ഇൻസ്പെക്ഷൻ ബംഗ്ലാവ്’ എന്നീ ഹിറ്റ് സീരീസുകൾക്ക് ശേഷം ZEE5 അവതരിപ്പിക്കുന്ന പ്രധാന പ്രോജക്റ്റുകളിൽ ഒന്നാണിത്.
റൈസ് ഈസ്റ്റ് പ്രൊഡക്ഷൻ ഹൗസിന്റെ ബാനറിൽ നിർമ്മിച്ച് അമീൻ ബാരിഫ് ആണ് ഈ സീരീസ് സംവിധാനം ചെയ്യുന്നത്. കായംകുളത്തിന്റെ പശ്ചാത്തലത്തിൽ നർമ്മത്തിന് പ്രാധാന്യം നൽകിക്കൊണ്ടുള്ള ഒരു ത്രില്ലർ അനുഭവമായിരിക്കും ഈ സീരീസ് എന്ന് അണിയറപ്രവർത്തകർ അവകാശപ്പെടുന്നു.
രാജേഷ് മാധവൻ, ഗൗതമി നായർ എന്നിവർക്കൊപ്പം അൻബുസെൽവൻ, സുഭാഷ്, വിൻസു റേച്ചൽ, രാകേഷ് ഉഷാർ, സാവിത്രി, വിജയ് സത്യ, അരുൺ, വിഘ്നേശ്വർ എന്നിങ്ങനെ വലിയൊരു താരനിര തന്നെ ഈ സീരീസിൽ അണിനിരക്കുന്നുണ്ട്. സീരീസിന്റെ ചിത്രീകരണം നിലവിൽ പുരോഗമിച്ചുകൊണ്ടിരിക്കുകയാണ്. വരാനിരിക്കുന്ന പുതുവത്സരത്തിൽ സീരീസ് പ്രേക്ഷകരിലേക്ക് എത്തും
.
