കാക്കനാട് അപകട മരണം ഇൻഫോപാർക്ക് റോഡിൽ അടിയന്തര ഗതാഗത പരിഷ്കാരം 
ഗോവിന്ദ് വസന്തയുടെ സംഗീതത്തിൽ ചങ്ക് കട്ടോളെ മെനി മെനി ഹാപ്പി റിട്ടേൺസ് പുതിയ പാട്ട് പുറത്ത് 
കെൽട്രോണിൽ പി.എസ്.സി അംഗീകൃത കമ്പ്യൂട്ടർ കോഴ്സുകളിലേക്ക് പ്രവേശനം ആരംഭിച്ചു 
ആശുപത്രികളിലെ സുരക്ഷാ വീഴ്ചകൾ ഭയമില്ലാതെ ചൂണ്ടിക്കാട്ടാം മന്ത്രി കെ. മുരളീധരൻ സ്റ്റീരിയോസർജ് പുറത്തിറക്കി 
ഇന്ത്യയിലെ ഏറ്റവും മികച്ച ദുരന്തനിവാരണ പദ്ധതി കേരളത്തിൽ നടപ്പാക്കും വി.ഡി. സതീശൻ 
നെടുമുടി വേണുവും പി. ബാലചന്ദ്രനും അവസാന വെള്ളിത്തിരക്കാഴ്ച ഓറഞ്ച് മരങ്ങളുടെ വീട് എത്തുന്നു ഗോവിന്ദ് വസന്തയുടെ സംഗീതത്തിൽ ചങ്ക് കട്ടോളെ മെനി മെനി ഹാപ്പി റിട്ടേൺസ് പുതിയ പാട്ട് പുറത്ത്
അഹമ്മദ് കബീർ സംവിധാനം ചെയ്യുന്ന മെനി മെനി ഹാപ്പി റിട്ടേൺസ് എന്ന ചിത്രത്തിലെ രണ്ടാമത്തെ ഗാനമായ ചങ്ക് കട്ടോളെ പുറത്തിറങ്ങി. ഗോവിന്ദ് വസന്ത ഈണം പകർന്നിരിക്കുന്ന ഗാനത്തിന് വരികൾ ഒരുക്കിയിരിക്കുന്നത് വിനായക് ശശികുമാറാണ്.
Aparna Gireesh 
ചങ്ക് കട്ടോളെ ഗാനം പുറത്തിറങ്ങി: അഹമ്മദ് കബീർ - കാളിദാസ് ജയറാം ചിത്രത്തിന്റെ വിശേഷങ്ങൾ
കൊച്ചി: ദീപാവലി സമ്മാനമായി അഹമ്മദ് കബീർ സംവിധാനം ചെയ്യുന്ന ഏറ്റവും പുതിയ ചിത്രം 'മെനി മെനി ഹാപ്പി റിട്ടേൺസി'ലെ രണ്ടാമത്തെ ഗാനം പുറത്തിറങ്ങി. പ്രണയത്തിന്റെ മനോഹരമായ ഭാവങ്ങളും ഹൃദ്യമായ ഈണവും ചേർന്നൊരുക്കിയ 'ചങ്ക് കട്ടോളെ' എന്ന ഗാനം മികച്ചൊരു ഫീൽ ഗുഡ് സംഗീതാനുഭവമാണ് പ്രേക്ഷകർക്ക് സമ്മാനിക്കുന്നത്.
പ്രശസ്ത സംഗീതസംവിധായകൻ ഗോവിന്ദ് വസന്തയാണ് ഈ ചിത്രത്തിന് സംഗീതം പകർന്നിരിക്കുന്നത്. മനോഹരമായ ഈണത്തിന് വരികൾ ഒരുക്കിയിരിക്കുന്നത് വിനായക് ശശികുമാറാണ്. ഗോവിന്ദ് വസന്തയും ലൈക ജമാലും ചേർന്നാണ് ഗാനം ആലപിച്ചിരിക്കുന്നത്. തൈക്കുടം ബ്രിഡ്ജിലൂടെയും '96', 'സോളോ', 'മെയ്യഴകൻ' തുടങ്ങിയ ചിത്രങ്ങളിലൂടെയും സംഗീതലോകത്ത് ശ്രദ്ധേയനായ ഗോവിന്ദ് വസന്തയുടെ സംഗീതം ഈ ഗാനത്തിനും വേറിട്ടൊരു ഭംഗി പകരുന്നുണ്ട്. പ്രണയാർദ്രമായ വരികളും ഹൃദ്യമായ സംഗീതവും ഒത്തുചേരുന്ന ഈ ഗാനം ഇതിനോടകം തന്നെ സോഷ്യൽ മീഡിയയിൽ വലിയ സ്വീകാര്യത നേടിക്കഴിഞ്ഞു.
'ജൂൺ', 'മധുരം' എന്നീ സിനിമകൾക്കും 'കേരള ക്രൈം ഫയൽസ്' എന്ന ഹിറ്റ് പരമ്പരയ്ക്കും ശേഷമാണ് അഹമ്മദ് കബീർ ഈ ചിത്രം ഒരുക്കുന്നത്. ഒരിടവേളയ്ക്ക് ശേഷം കാളിദാസ് ജയറാം മലയാളത്തിൽ നായകനായി തിരിച്ചെത്തുന്ന ഈ ചിത്രം, നൊസ്റ്റാൾജിയ ഉണർത്തുന്ന ഒരു റോം-കോം (Rom-Com) ചിത്രമായാണ് അണിയറയിലൊരുങ്ങുന്നത്. പുതുമുഖമായ ലക്ഷ്മി ജ്യോതിഷാണ് ചിത്രത്തിൽ നായികയായി എത്തുന്നത്. കാളിദാസിന്റെ അച്ഛൻ കഥാപാത്രമായി ലാൽ ഒരു ശ്രദ്ധേയ വേഷം കൈകാര്യം ചെയ്യുന്നുണ്ട്.
മങ്കി ബിസിനസിന്റെ ബാനറിൽ ഹസ്സൻ റഷീദും അഹമ്മദ് കബീറും ചേർന്നാണ് ചിത്രം നിർമ്മിച്ചിരിക്കുന്നത്. 'മെനി മെനി ഹാപ്പി റിട്ടേൺസി'ന്റെ വിതരണാവകാശം സ്വന്തമാക്കിയിരിക്കുന്നത് പ്രമുഖ നിർമ്മാണ കമ്പനിയായ ഭാവന സ്റ്റുഡിയോസാണ്. 'ആട്ടം' എന്ന സിനിമയിലൂടെ മികച്ച എഡിറ്റിംഗിനുള്ള ദേശീയ പുരസ്‌കാരം നേടിയ മഹേഷ് ഭുവനേന്ദാണ് ചിത്രസംയോജനം നിർവ്വഹിച്ചിരിക്കുന്നത്.
അഹമ്മദ് കബീർ ചിത്രങ്ങളുടെ പ്രധാന സവിശേഷതയായ ദൃശ്യമനോഹരമായ ഫ്രെയിമുകൾ സമ്മാനിച്ച ജിതിൻ സ്റ്റാനിസ്ലാവസ് തന്നെയാണ് ഈ ചിത്രത്തിന്റെയും ഛായാഗ്രഹണം നിർവ്വഹിക്കുന്നത്. അഹമ്മദ് കബീർ - ജിതിൻ സ്റ്റാനിസ്ലാവസ് കൂട്ടുകെട്ട് വീണ്ടും ഒന്നിക്കുമ്പോൾ ദൃശ്യപരമായി ഏറെ മികച്ചുനിൽക്കുന്ന ഒരു സിനിമാനുഭവം പ്രേക്ഷകർക്ക് പ്രതീക്ഷിക്കാം.
മറ്റു അണിയറപ്രവർത്തകർ:
കോ-പ്രൊഡ്യൂസേഴ്സ്: പൗലോസ് തേപ്പാല, വിനീത കോശി
ഓഡിയോഗ്രാഫി: വിഷ്ണു ഗോവിന്ദ്
പ്രൊഡക്ഷൻ ഡിസൈനർ: ശരത് കുമാർ കെ.വി
പ്രൊഡക്ഷൻ കൺട്രോളർ: ഷാഫി ചെമ്മാട്
കോസ്റ്റ്യൂം: മഷർ ഹംസ
മേക്കപ്പ്: റോണക്സ് സേവ്യർ
കളറിസ്റ്റ്: ശ്രീക് വാര്യർ
വി.എഫ്.എക്സ്: ഡിജിബ്രിക്‌സ്
സ്റ്റിൽസ്: അർജുൻ തോമസ്
പബ്ലിസിറ്റി ഡിസൈൻ: റോസ്റ്റഡ് പെപ്പർ
വിഷ്വൽ പ്രൊമോഷൻസ്: സ്‌നേക്ക്പ്ലാൻ്റ് എൽ.എൽ.പി
