പൃഥ്വിരാജിന് പിറന്നാൾ ആശംസകളുമായി എസ്.എസ്. രാജമൗലി

എസ്.എസ്. രാജമൗലി സംവിധാനം ചെയ്യുന്ന ബിഗ് ബജറ്റ് ചിത്രം ‘വാരണാസി’യിലെ പൃഥ്വിരാജിന്റെ കഥാപാത്രമായ ‘കുംഭ’യ്ക്ക് പിറന്നാൾ ആശംസകൾ നേർന്ന് രാജമൗലി. ചിത്രം 2027 ഏപ്രിൽ 7 ന് തിയേറ്ററുകളിലെത്തും.

Oct 16, 2026 - 18:09

പൃഥ്വിരാജിന് പിറന്നാൾ ആശംസകളുമായി എസ്.എസ്. രാജമൗലി

എസ്.എസ്. രാജമൗലി സംവിധാനം ചെയ്യുന്ന ബിഗ് ബജറ്റ് ചിത്രം ‘വാരണാസി’യിലെ പൃഥ്വിരാജിന്റെ കഥാപാത്രമായ ‘കുംഭ’യ്ക്ക് പിറന്നാൾ ആശംസകൾ നേർന്ന് രാജമൗലി

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

പൃഥ്വിരാജിന് ജന്മദിനാശംസകളുമായി എസ്.എസ്. രാജമൗലി; ‘വാരണാസി’യിലെ 'കുംഭ'യായി താരം തിളങ്ങും

കൊച്ചി: ലോകമെമ്പാടുമുള്ള സിനിമാപ്രേമികൾ ഏറെ ആകാംഷയോടെ കാത്തിരിക്കുന്ന എസ്.എസ്. രാജമൗലി ചിത്രം ‘വാരണാസി’യിലെ പൃഥ്വിരാജ് സുകുമാരന്റെ ലൊക്കേഷൻ ചിത്രങ്ങളും പിറന്നാൾ ആശംസകളും പങ്കുവെച്ച് സംവിധായകൻ രാജമൗലി. ചിത്രത്തിൽ ‘കുംഭ’ എന്ന ശക്തമായ കേന്ദ്ര കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്.

ഇന്ന് ജന്മദിനം ആഘോഷിക്കുന്ന പൃഥ്വിരാജിന് സോഷ്യൽ മീഡിയയിലൂടെയാണ് രാജമൗലി ഹൃദയം നിറഞ്ഞ ആശംസകൾ അറിയിച്ചത്.

"അനന്തമായ സാധ്യതകൾ നിറഞ്ഞ ലോകത്ത് പ്രവചനാതീതമായ സാന്നിധ്യം… നിഗൂഢതയും കരുത്തും അതിരുകളില്ലാത്ത കഴിവും ഒത്തുചേരുന്ന അപൂർവ വ്യക്തിത്വം! വാരണാസി ടീമിന്റെ സ്വന്തം 'കുംഭ', പ്രിത്വിരാജിന് ഹൃദയം നിറഞ്ഞ ജന്മദിനാശംസകൾ! ജന്മദിനാശംസകൾ പ്രിയപ്പെട്ട പൃഥ്വിരാജ് സുകുമാരൻ," രാജമൗലി കുറിച്ച്.

പൃഥ്വിരാജിന്റെ കഥാപാത്രത്തെക്കുറിച്ചുള്ള ഈ വാക്കുകൾ ചുരുങ്ങിയ സമയം കൊണ്ടാണ് ആരാധകർക്കിടയിലും സോഷ്യൽ മീഡിയയിലും തരംഗമായി മാറിയത്.

മഹേഷ് ബാബു, പ്രിയങ്ക ചോപ്ര തുടങ്ങിയ വമ്പൻ താരനിര അണിനിരക്കുന്ന ചിത്രത്തിൽ മലയാളത്തിന്റെ അഭിമാനമായ പൃഥ്വിരാജിന്റെ സാന്നിധ്യം ഏറെ പ്രതീക്ഷയോടെയാണ് സിനിമാലോകം ഉറ്റുനോക്കുന്നത്.

ഓസ്കാർ ജേതാവ് എം.എം. കീരവാണിയാണ് ചിത്രത്തിന് സംഗീതമൊരുക്കുന്നത്. ശ്രീ ദുർഗ ആർട്സും ഷോയിങ് ബിസിനസും സംയുക്തമായാണ് ഈ ദൃശ്യവിരുന്ന് നിർമ്മിക്കുന്നത്. 'വാരണാസി' 2027 ഏപ്രിൽ 7-ന് തിയേറ്ററുകളിൽ ലോകവ്യാപകമായി റിലീസ് ചെയ്യും.