ഉമേഷ് എസ് നായരുടെ സംവിധാനത്തിൽ മോഹനവള്ളി ചിത്രീകരണം ആരംഭിച്ചു
നവാഗതനായ ഉമേഷ് എസ് നായർ സംവിധാനം ചെയ്യുന്ന മോഹനവള്ളി എന്ന ചിത്രത്തിന്റെ ചിത്രീകരണം ഒറ്റപ്പാലത്തിനടുത്തുള്ള കുഴൂർ മനയിൽ ആരംഭിച്ചു. ഹൊറർ, ഫാൻ്റസി, ഹ്യൂമർ ജോണറിലാണ് ചിത്രം ഒരുങ്ങുന്നത്.
Vazhoor Jose 
ഉമേഷ് എസ് നായരുടെ സംവിധാനത്തിൽ 'മോഹനവള്ളി' ചിത്രീകരണം ആരംഭിച്ചു; ഹൊറർ-ഫാന്റസി ജോണറിൽ ചിത്രം
ഒറ്റപ്പാലം: നവാഗതനായ ഉമേഷ് .എസ് . നായർ സംവിധാനം ചെയ്യുന്ന 'മോഹന വള്ളി' എന്ന ചിത്രത്തിൻ്റെ ചിത്രീകരണം ഒറ്റപ്പാലത്തിനടുത്തുള്ള കുഴൂർ മനയിൽ ആരംഭിച്ചു. പൂർണ്ണമായും ഹൊറർ, ഫാൻ്റെസി, ഹ്യൂമർ ജോണറിലാണ് ഈ ചിത്രം അവതരിപ്പിക്കുന്നത്.
അസീസ് നെടുമങ്ങാടും അബിൻ ബിനോയും പങ്കെടുക്കുന്ന രംഗത്തോടെയാണ് ചിത്രീകരണത്തിനു തുടക്കമിട്ടത്. നാട്ടുമ്പുറത്തുകാരനായ പ്രേമദാസനെന്ന യുവാവിൻ്റെ ജീവിതത്തിൽ അരങ്ങേറുന്ന സംഭവങ്ങളാണ് ഈ ചിത്രത്തിൻ്റെ കാതലായ വിഷയം. ജെസ്റ്റുഡിയോസ്, എ2എ മൂവി സ്റ്റുഡിയോസിൻ്റെ ബാനറിലാണ് ഈ ചിത്രം നിർമ്മിക്കുന്നത്.
ബൈജു സന്തോഷ്, രക്ഷന ഇന്ദുചൂഡൻ, ഭഗത് മാനുവൽ, സെന്തിൽ കൃഷ്ണ, ബിന്ദു പണിക്കർ, മൊട്ട രാജേന്ദ്രൻ, തുഷാരപിള്ള, ശ്രീജാരവി, വിജയ് മുത്തു, ശശാങ്കൻ മയ്യനാട് എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. ഒറ്റപ്പാലം, പൊള്ളാച്ചി, പഴനി എന്നിവിടങ്ങളിലായി ചിത്രത്തിൻ്റെ ചിത്രീകരണം പൂർത്തിയാകും.
ചിത്രത്തിന്റെ അണിയറ പ്രവർത്തകർ:
രചന: രാഹുൽ കല്യാൺ
സംഗീതം: അർക്കാഡോ
ഛായാഗ്രഹണം: സുധീർ സുരേന്ദ്രൻ
എഡിറ്റിംഗ്: സുനേഷ് സെബാസ്റ്റ്യൻ
കലാ സംവിധാനം: മകേഷ് മോഹൻ
മേക്കപ്പ്: സിജേഷ് കൊങ്ങോട്ടി
കോസ്റ്റ്യൂം ഡിസൈൻ: അരവിന്ദ് . കെ ആർ
സൗണ്ട് മിക്സിംഗ്: എം.ആർ. രാജാകൃഷ്ണൻ
സൗണ്ട് ഡിസൈൻ: ആശിഷ് ജോസ് ഇല്ലിക്കൽ
ഡിസൈൻ: യെല്ലോടൂത്ത്
മാർക്കറ്റിംഗ്: ഒപ്റ
സ്റ്റിൽസ്: വിഷ്ണു . ആർ. ഗോവിന്ദ്
പ്രൊഡക്ഷൻ എക്സിക്യുട്ടീവ്സ്: കമലാക്ഷൻ പയ്യന്നൂർ, അനിൽ അൻസാദ്
പ്രൊഡക്ഷൻ കൺട്രോളർ: ശശി പൊതുവാൾ
