കോളിയാടി എ.യു.പി സ്കൂളിൽ ഷിഗല്ല സ്ഥിരീകരിച്ചു മന്ത്രി ടി. സിദ്ദിഖിന്റെ നേതൃത്വത്തിൽ അടിയന്തര യോഗം വിളിച്ചു

​ഷിഗല്ല ഭീതിയിൽ കോളിയാടി സ്കൂൾ; സുൽത്താൻ ബത്തേരിയിൽ മന്ത്രി ടി. സിദ്ദിഖിന്റെ നേതൃത്വത്തിൽ അടിയന്തര യോഗം

​സുൽത്താൻ ബത്തേരി: കോളിയാടി എ.യു.പി സ്കൂളിലെ വിദ്യാർത്ഥികൾക്ക് ഷിഗല്ല (Shigella) രോഗബാധ സ്ഥിരീകരിച്ചതിനെ തുടർന്ന് പ്രദേശത്ത് കടുത്ത ജാഗ്രതാ നിർദ്ദേശം. നിലവിലെ ഗുരുതര സാഹചര്യം വിലയിരുത്തുന്നതിനായി കൃഷി വകുപ്പ് മന്ത്രി ടി. സിദ്ദിഖിന്റെ നേതൃത്വത്തിൽ സുൽത്താൻ ബത്തേരി ഗസ്റ്റ് ഹൗസിൽ അടിയന്തര യോഗം വിളിച്ചു ചേർത്തു. ആരോഗ്യ-കൃഷി വകുപ്പുകളിലെ ഉന്നത ഉദ്യോഗസ്ഥരും ജനപ്രതിനിധികളും യോഗത്തിൽ പങ്കെടുന്നുണ്ട്.

​സ്കൂളിലെ ഏതാനും വിദ്യാർത്ഥികൾക്ക് സമാനമായ രോഗലക്ഷണങ്ങൾ കണ്ടതിനെ തുടർന്ന് നടത്തിയ പരിശോധനയിലാണ് ഷിഗല്ല ബാക്ടീരിയയുടെ സാന്നിധ്യം കണ്ടെത്തിയത്. കുട്ടികളുടെ ആരോഗ്യനില നിലവിൽ തൃപ്തികരമാണെങ്കിലും രോഗം പകരുന്നത് തടയാനുള്ള മുൻകരുതൽ നടപടികൾ ഊർജ്ജിതമാക്കാനാണ് സർക്കാരിന്റെ തീരുമാനം.

​സ്കൂളിലേയും പരിസര പ്രദേശങ്ങളിലെയും കുടിവെള്ള സ്രോതസ്സുകൾ അടിയന്തരമായി പരിശോധിക്കാനും ക്ലോറിനേഷൻ അടക്കമുള്ള പ്രതിരോധ പ്രവർത്തനങ്ങൾ യുദ്ധകാലാടിസ്ഥാനത്തിൽ പൂർത്തിയാക്കാനും മന്ത്രി നിർദ്ദേശം നൽകിയിട്ടുണ്ട്. പ്രതിരോധ പ്രവർത്തനങ്ങളിൽ കൃഷി വകുപ്പിന്റെയും തദ്ദേശ സ്വയംഭരണ സ്ഥാപനങ്ങളുടെയും ഏകോപനം ഉറപ്പാക്കാനാണ് ഗസ്റ്റ് ഹൗസിലെ അടിയന്തര യോഗം ലക്ഷ്യമിടുന്നത്. പൊതുജനങ്ങൾ പരിഭ്രാന്തരാകേണ്ടതില്ലെന്നും വ്യക്തിശുചിത്വവും പരിസരശുചിത്വവും കർശനമായി പാലിക്കണമെന്നും ആരോഗ്യവകുപ്പ് അറിയിച്ചു.