അതിജീവനത്തിന്റെ കഥയുമായി ഒരു നായ്ക്കുട്ടി പ്രധാന വേഷത്തിൽ ഖുശ്പു വരുന്നു
സുജൻ അരോമൽ സംവിധാനം ചെയ്ത് സുരാജ് വെഞ്ഞാറമൂട് ഫസ്റ്റ് ലുക്ക് പുറത്തിറക്കിയ ഖുശ്പു ഒരു ഹൊറർ കോമഡി ചിത്രമാണ്. ഉരുൾപൊട്ടൽ ദുരന്തത്തിൽ നിന്ന് അതിജീവിച്ച ചിൽ എന്ന നായ്ക്കുട്ടിയാണ് ചിത്രത്തിലെ പ്രധാന കഥാപാത്രം.
"ഖുശ്പു" ഫസ്റ്റ് ലുക്ക് പുറത്തിറങ്ങി അതിജീവനത്തിന്റെ കഥയുമായി ഒരു നായ്ക്കുട്ടി പ്രധാന വേഷത്തിൽ
കൊച്ചി: "ചിൽ" എന്ന നായ്ക്കുട്ടിയെ പ്രധാന കഥാപാത്രമാക്കി സുജൻ അരോമൽ തിരക്കഥയെഴുതി സംവിധാനം ചെയ്യുന്ന ഏറ്റവും പുതിയ ഹൊറർ കോമഡി ഡ്രാമ ചിത്രമായ "ഖുശ്പു"വിന്റെ ഫസ്റ്റ് ലുക്ക് പോസ്റ്റർ പ്രശസ്ത സിനിമാതാരം സുരാജ് വെഞ്ഞാറമൂട് തന്റെ സോഷ്യൽ മീഡിയ പേജിലൂടെ പുറത്തിറക്കി. ബൈജു ക്രിയേഷൻസിന്റെ ബാനറിൽ സിന്തൈ വിജയൻ കഥയെഴുതി നിർമ്മിക്കുന്ന ചിത്രം തികച്ചും വ്യത്യസ്തമായ പ്രമേയമാണ് അവതരിപ്പിക്കുന്നത്.
ഉരുൾപൊട്ടൽ ദുരന്തമുണ്ടായ പ്രദേശത്തുനിന്ന് അത്ഭുതകരമായി അതിജീവിച്ച് ജീവിതത്തിലേക്ക് തിരിച്ചെത്തിയ "ചിൽ" എന്ന തെരുവുനായ്ക്കുട്ടിയാണ് ഈ ചിത്രത്തിലെ പ്രധാന ആകർഷണം. ദുരന്തഭൂമിയിൽ നിന്ന് കണ്ടെത്തിയ ചില്ലിനെ ഷാജി ബാലരാമപുരം, ജിഗേഷ് സുകുമാർ, ബിജോയ് എന്നിവരുടെ നേതൃത്വത്തിലാണ് സിനിമയ്ക്കായി പരിശീലിപ്പിച്ചെടുത്തത്. ഒരു തെരുവുനായയുടെ അതിജീവനവും ചലച്ചിത്രത്തിലേക്കുള്ള യാത്രയും സിനിമയ്ക്ക് വേറിട്ട കൗതുകം നൽകുന്നുണ്ട്.
യൂട്യൂബ് ചാനലിലൂടെ ശ്രദ്ധ നേടാൻ ശ്രമിക്കുന്ന ഒരു സംഘം സുഹൃത്തുക്കളുടെ ജീവിതത്തിൽ അരങ്ങേറുന്ന രസകരവും അപ്രതീക്ഷിതവുമായ സംഭവങ്ങളാണ് ചിത്രം പറയുന്നത്. ഹൊററും നർമ്മവും സസ്പെൻസും കോർത്തിണക്കിയൊരുക്കിയിരിക്കുന്ന ചിത്രത്തിൽ ജാഫർ ഇടുക്കി, ഷാലു റഹീം, ഡയാന ഹമീദ്, ചിത്ര നായർ, സിനി കോലത്തുകര, പൂജ റാം, അൻവർ ഷെരീഫ്, നിർമൽ പാലാഴി, പ്രമോദ് വെളിയനാട്, അമൽ രാജ്ദേവ്, അനീഷ് ദാർ, ഷിബു ലാപ്പൻ, അനു ആനന്ദൻ തുടങ്ങിയ പ്രമുഖ താരങ്ങളും അണിനിരക്കുന്നുണ്ട്.
പ്രധാന അണിയറ പ്രവർത്തകർ:
കോ-പ്രൊഡ്യൂസർ: ജിനേഷ്
ഛായാഗ്രഹണം: റെജിൻ സാന്റോ
എഡിറ്റിംഗ്: കാച്ചപ്പിള്ളി ആന്റേഴ്സ്
സംഗീതം: അഫ്സൽ യൂസഫ്, ദിനു മോഹൻ, സമദ് പ്രിയദർശിനി, സുജൻ അരോമൽ
ഒറിജിനൽ സ്കോർ: വില്യം ഫ്രാൻസിസ്
ഗാനരചന: ദിനു മോഹൻ, സുജൻ അരോമൽ
സൗണ്ട് ഡിസൈൻ & ഫൈനൽ മിക്സിംഗ്: അഭിരാം യു ബി
ഇ 20 പെട്രോൾ ഗുണനിലവാര പരിശോധന സാമ്പിളുകൾ ശേഖരിച്ചു
രാമപുരം ബ്ലോക്ക് കുടുംബാരോഗ്യകേന്ദ്രത്തിൽ ഡോക്ടർ നിയമനം
സ്വകാര്യ ആശുപത്രിയെ ഭീഷണിപ്പെടുത്തി 10 ലക്ഷം തട്ടി ഡിസിസി അംഗം സുഹൈൽ ഷാജഹാൻ അറസ്റ്റിൽ
വേമ്പനാട് കായലിൽ നിന്ന് അനധികൃതമായി ശേഖരിച്ച 1,700 കിലോ മല്ലിക്കക്ക പിടികൂടി
പക്ഷിപ്പനി മനുഷ്യരിലേക്ക് പകരാൻ സാധ്യത ജാഗ്രത പാലിക്കണമെന്ന് ആരോഗ്യ വകുപ്പ്
57 ാമത് IFFI യിലേക്ക് ‘ദര്യ’ കൊച്ചിയിലെ കലാകാരന്മാരുടെ കൂട്ടുകെട്ടിന് ദേശീയ അംഗീകാരം 
