വിഎച്ച്എസ്ഇ എൻഎസ്എസ് സംസ്ഥാനതല അവാർഡ് വിതരണം കെ. വാസുകി ഐഎഎസ് ഉദ്ഘാടനം ചെയ്തു

2024 25 വർഷത്തെ വിഎച്ച്എസ്ഇ എൻഎസ്എസ് സംസ്ഥാന ജില്ലാതല അവാർഡുകൾ തിരുവനന്തപുരത്ത് വിതരണം ചെയ്തു. പൊതുവിദ്യാഭ്യാസ സെക്രട്ടറി കെ. വാസുകി ഐഎഎസ് ഉദ്ഘാടനം നിർവഹിച്ചു.

അനില എം കൃഷ്ണൻ

Feb 28, 2026 - 05:21

വിഎച്ച്എസ്ഇ എൻഎസ്എസ് സംസ്ഥാനതല അവാർഡ് വിതരണം: കെ. വാസുകി ഐഎഎസ് ഉദ്ഘാടനം ചെയ്തു

വിഎച്ച്എസ്ഇ എൻഎസ്എസ് സംസ്ഥാനതല അവാർഡുകൾ വിതരണം ചെയ്തു; ഉദ്ഘാടനം കെ. വാസുകി ഐഎഎസ് നിർവഹിച്ചു

തിരുവനന്തപുരം: സംസ്ഥാന പൊതുവിദ്യാഭ്യാസ വകുപ്പിന് കീഴിലുള്ള തൊഴിലധിഷ്ഠിത ഹയർ സെക്കൻഡറി വിഭാഗം (VHSE) നാഷണൽ സർവീസ് സ്കീമിന്റെ 2024-25 അധ്യയന വർഷത്തെ ഡയറക്ടറേറ്റ് ലെവൽ അവാർഡുകൾ വിതരണം ചെയ്തു. തിരുവനന്തപുരം തമ്പാനൂർ ശിക്ഷക് സദൻ ഓഡിറ്റോറിയത്തിൽ നടന്ന ചടങ്ങിൽ പൊതുവിദ്യാഭ്യാസ സെക്രട്ടറി കെ. വാസുകി ഐഎഎസ് അവാർഡ് ദാന ചടങ്ങ് ഉദ്ഘാടനം ചെയ്തു.

സമൂഹത്തിന്റെ നന്മയ്ക്കായി വിദ്യാർത്ഥികൾ നടത്തുന്ന സേവനപ്രവർത്തനങ്ങളെ പ്രോത്സാഹിപ്പിക്കേണ്ടത് അത്യന്താപേക്ഷിതമാണെന്ന് ഉദ്ഘാടന പ്രസംഗത്തിൽ അവർ ഓർമ്മിപ്പിച്ചു. സംസ്ഥാന-ജില്ലാ തലങ്ങളിൽ മികച്ച പ്രവർത്തനം കാഴ്ചവെച്ച സ്കൂളുകൾ, പ്രോഗ്രാം ഓഫീസർമാർ, വോളണ്ടിയർമാർ എന്നിവർ ചടങ്ങിൽ പുരസ്കാരങ്ങൾ ഏറ്റുവാങ്ങി.

വിഎച്ച്എസ്ഇ ഡെപ്യൂട്ടി ഡയറക്ടർ എം. ഉബൈദുള്ള അധ്യക്ഷത വഹിച്ച ചടങ്ങിൽ നാഷണൽ സർവീസ് സ്കീം റീജിയണൽ ഡയറക്ടർ വൈ.എം. ഉപ്പിൻ മുഖ്യപ്രഭാഷണം നടത്തി. സ്റ്റേറ്റ് എൻഎസ്എസ് ഓഫീസർ ഡോ. ദേവിപ്രിയ എൻഎസ്എസ് സന്ദേശം നൽകി.

വിഎച്ച്എസ്ഇ ഡെപ്യൂട്ടി ഡയറക്ടർ ജനറൽ (കരിക്കുലം) ലിസി ജോസഫ്, അസിസ്റ്റന്റ് ഡയറക്ടർമാരായ എസ്. സജി, ഉദയകുമാരി, ഡി.എസ്. മനു, റിസർച്ച് അസിസ്റ്റന്റ് പുഷ്പകുമാരി വി.കെ., എൻഎസ്എസ് യൂത്ത് ഓഫീസർ പിയൂഷ് പാരഞ്‌പെ, പ്രോഗ്രാം കോഡിനേറ്റർ ജഫീഷ് ജെ., സിജിസിസി സ്റ്റേറ്റ് കോഡിനേറ്റർ ഡോ. സന്തോഷ് വി.എസ്., എൻഎസ്ക്യുഎഫ് സ്റ്റേറ്റ് കോഡിനേറ്റർ ജോട്ടിലാ ജോയ്സ് തുടങ്ങിയവർ ആശംസകൾ നേർന്നു സംസാരിച്ചു. കൂടാതെ വി.ആർ. രതീഷ്, അലക്സ് എം.എസ്., സജിമോൻ പി.എ., കരിയർ കൗൺസിലർ രതീഷ് കുമാർ, പ്രോജക്ട് ഓഫീസർ മാത്തൻ ജോർജ് എന്നിവരും ചടങ്ങിൽ സന്നിഹിതരായിരുന്നു.