ഭാവനാ റിലീസിന്റെ പുതിയ മിസ്റ്ററി ത്രില്ലർ ദിലീഷ് പോത്തൻ പ്രധാന വേഷത്തിലെത്തുന്ന ഭൗമ വരുന്നു

ആറ്റസ് ഫിലിംസിന്റെ ബാനറിൽ ബസം കാദിയാർ നിർമ്മിച്ച് റെജിൻ എസ്. ബാബു സംവിധാനം ചെയ്യുന്ന ഭൗമ ഭാവനാ റിലീസ് തിയേറ്ററുകളിലെത്തിക്കുന്നു.

Oct 18, 2026 - 20:14

ഭാവനാ റിലീസിന്റെ പുതിയ മിസ്റ്ററി ത്രില്ലർ ദിലീഷ് പോത്തൻ പ്രധാന വേഷത്തിലെത്തുന്ന ഭൗമ വരുന്നു

ആറ്റസ് ഫിലിംസിന്റെ ബാനറിൽ ബസം കാദിയാർ നിർമ്മിച്ച് റെജിൻ എസ്. ബാബു സംവിധാനം ചെയ്യുന്ന 'ഭൗമ' ഭാവനാ റിലീസ് തിയേറ്ററുകളിലെത്തിക്കുന്നു.

🥳 *KSFE - ഉടൻ ആരംഭിക്കുന്ന മെഗാ ബിനിനസ് ക്ലാസ് ചിട്ടി*

ഭാവനാ റിലീസ് പ്രദർശനത്തിനെത്തിക്കുന്ന 'ഭൗമ'; ദിലീഷ് പോത്തൻ കേന്ദ്രകഥാപാത്രമാകുന്ന മിസ്റ്ററി ത്രില്ലർ വരുന്നു

കൊച്ചി: വിജയചിത്രങ്ങൾ സമ്മാനിച്ച ഭാവനാ സ്റ്റുഡിയോസിന്റെ വിതരണ വിഭാഗമായ 'ഭാവനാ റിലീസ്' പുതിയ ചിത്രം 'ഭൗമ' തിയേറ്ററുകളിലെത്തിക്കുന്നു. ആറ്റസ് ഫിലിംസിന്റെ ബാനറിൽ ബസം കാദിയാർ നിർമ്മിച്ച് റെജിൻ എസ്. ബാബു തിരക്കഥ രചിച്ച് സംവിധാനം ചെയ്യുന്ന ചിത്രമാണ് 'ഭൗമ'.

ഫഹദ് ഫാസിൽ, നസ്രിയ, ദിലീഷ് പോത്തൻ, ശ്യാം പുഷ്കരൻ എന്നിവരുടെ നേതൃത്വത്തിലുള്ള ഭാവനാ സ്റ്റുഡിയോസ്, 'കുമ്പളങ്ങി നൈറ്റ്സ്' മുതൽ 'ബെത്‌ലഹേം' വരെയുള്ള ഹിറ്റ് ചിത്രങ്ങൾക്ക് ശേഷമാണ് 'ഭൗമ'യുടെ വിതരണം ഏറ്റെടുത്തിരിക്കുന്നത്.

ഇരുളിൽ മലനിരകളിലെ നടപ്പാതയിൽ ടോർച്ച് തെളിയിച്ചുനിൽക്കുന്ന ദിലീഷ് പോത്തന്റെ വ്യത്യസ്തമായ ലുക്കോടെയെത്തിയ പോസ്റ്ററിലൂടെയാണ് ചിത്രത്തിന്റെ റിലീസ് പ്രഖ്യാപനം നടത്തിയത്. ശ്രദ്ധേയമായ ഫസ്റ്റ് ലുക്ക് പോസ്റ്ററിന് പിന്നാലെ ചലച്ചിത്ര വൃത്തങ്ങളിൽ വലിയ ചർച്ചയായി മാറിയ 'ഭൗമ', മിസ്റ്ററി-ത്രില്ലർ ജോണറിൽ രണ്ടു കാലഘട്ടങ്ങളുടെ കഥയാണ് പറയുന്നത്.

ദിലീഷ് പോത്തൻ, വിനീത്, സാഗർ സൂര്യ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. വിജയ് ബാബു, ജാഫർ ഇടുക്കി, രഘുനാഥ് പലേരി, സെന്തിൽ കൃഷ്ണ, മധുപാൽ, മണിക്കുട്ടൻ, ഭഗത് മാനുവൽ, സജിൻ ചെറുകയിൽ, ബിപിൻ പെരുമ്പള്ളി, ലെന, മെറിൻ ഫിലിപ്പ്, മോഷ സെൻ ഗുപ്ത, രേവതി ശർമ്മ, കാവ്യാ ഭാനു, അനിതാ നായർ, പ്രവീണ, നിൽജ, ജെയിൻ ആൻഡ്രൂസ്, ബിനോജ് വില്യ, അപർണ്ണ ജോൺസ്, നസ്‌ലിൻ ജമീല, നൗഷാദ്, എൻ. പി. നിസ്സ തുടങ്ങിയ പ്രമുഖ താരനിരയും ചിത്രത്തിൽ അണിനിരക്കുന്നുണ്ട്.

കൊച്ചി, പീരുമേട് എന്നിവിടങ്ങളിലായി ചിത്രീകരണം പൂർത്തിയാക്കിയ ചിത്രത്തിന്റെ കഥ ഡോണി കടമ്മനിട്ടയുടേതാണ്.

അണിയറ പ്രവർത്തകർ:

സംഗീതം: ക്രിസ്റ്റോ സേവ്യർ

ഛായാഗ്രഹണം: ശരൺ വേലായുധൻ

എഡിറ്റിംഗ്: സൂരജ് ഇ. എസ്.

പ്രൊഡക്ഷൻ ഡിസൈൻ: അപ്പുണ്ണി സാജൻ

കലാസംവിധാനം: സിബിൻ വർഗീസ്

മേക്കപ്പ്: റോണി വെള്ളത്തൂവൽ

കോസ്റ്റ്യൂം ഡിസൈൻ: ഗോപിക ഉണ്ണികൃഷ്ണൻ

ചീഫ് അസ്സോസ്സിയേറ്റ് ഡയറക്ടർ: അംബ്രു സൈമൺ

സൗണ്ട് ഡിസൈൻ: ജയദേവൻ ചക്കാടത്ത്

ഫൈനൽ മിക്സ്: രാജാകൃഷ്ണൻ എം. ആർ.