മലയാള സിനിമയിൽ ചരിത്രമായി ലർക്ക് ആദ്യ എഐ പ്രൊമോഷണൽ ഗാനം ജൂൺ 6ന് പുറത്തിറങ്ങും, ചിത്രം ജൂലൈ 24ന് തിയേറ്ററുകളിലേക്ക്

മലയാള സിനിമയിൽ പുതിയ ചരിത്രമെഴുതാൻ 'ലർക്ക്'; ആദ്യ എഐ പ്രൊമോഷണൽ ഗാനം ജൂൺ ആറിന് പുറത്തിറങ്ങും

​കൊച്ചി: കേരളാ ടാക്കീസിന്റെ ബാനറിൽ എം എ നിഷാദ് രചനയും സംവിധാനവും നിർവഹിക്കുന്ന ഏറ്റവും പുതിയ ചിത്രം 'ലർക്ക്' ജൂലൈ 24-ന് തിയേറ്ററുകളിലെത്തുന്നു. റിലീസിനോടനുബന്ധിച്ച് ചിത്രത്തിന്റെ ഏറെ പ്രത്യേകതകളുള്ള പ്രൊമോഷണൽ ഗാനമായ 'Eyes on the prey' ജൂൺ ആറാം തീയതി മനോരമ മ്യൂസിക്കിന്റെ യൂട്യൂബ് ചാനലിലൂടെ പുറത്തുവിടും.

​മലയാള സിനിമയിൽ തന്നെ ആദ്യമായി ഒരു ചിത്രത്തിന്റെ പ്രചാരണത്തിനായി പൂർണ്ണമായും എഐ (Artificial Intelligence) സാങ്കേതികവിദ്യ ഉപയോഗിച്ച് ദൃശ്യങ്ങൾ ഒരുക്കിയ ഗാനമെന്ന സവിശേഷത 'Eyes on the prey' എന്ന ഈ പാട്ടിനുണ്ട്. വിനോദ് വിക്രമൻ പിള്ളയാണ് ഈ എഐ ദൃശ്യവിരുന്ന് അണിയിച്ചൊരുക്കിയിരിക്കുന്നത്.

​സൈജു കുറുപ്പ്, അജു വർഗീസ് എന്നിവരെ പ്രധാന കഥാപാത്രങ്ങളാക്കി ഒരുക്കിയ 'ലർക്ക്' ഇതിനോടകം തന്നെ അന്താരാഷ്ട്ര ഫിലിം ഫെസ്റ്റിവലുകളിൽ തിരഞ്ഞെടുക്കപ്പെടുകയും നിരവധി പുരസ്കാരങ്ങൾ കരസ്ഥമാക്കുകയും ചെയ്തിട്ടുണ്ട്. ആർ ഹരികുമാർ അവതരിപ്പിക്കുന്ന ഈ ചിത്രം കേരള ടാക്കീസിനൊപ്പം എലൈറ്റ് ഗ്രൂപ്പ്‌ ഓഫ് കമ്പനീസ്, ബ്രിക്ക് സ്ട്രീറ്റ് ആന്റ് കോ, സെൻസ് അഡ്വഞ്ചർ ടൂർസ്, അരുൺ കുമാർ ടി വി, മനോജ്‌ രത്‌നാകരൻ എന്നിവർ ചേർന്നാണ് സഹനിർമ്മാണം നിർവഹിച്ചിരിക്കുന്നത്.

​വലിയൊരു താരനിര തന്നെ അണിനിരക്കുന്ന ചിത്രത്തിൽ ടി ജി രവി, പ്രശാന്ത് അലക്സാണ്ടർ, എം എ നിഷാദ്, ജാഫർ ഇടുക്കി, സുധീർ കരമന, പ്രശാന്ത് മുരളി, വിജയ് മേനോൻ, സജി സോമൻ, ബിജു സോപാനം, സോഹൻ സീനുലാൽ, അനുമോൾ, മഞ്ജു പിളള, മുത്തുമണി, സരിത കുക്കു, സന്ധ്യാ മനോജ്, സ്മിനു സിജോ തുടങ്ങി പ്രമുഖ താരങ്ങൾ വേഷമിടുന്നു.

​അണിയറ പ്രവർത്തകർ:

​തിരക്കഥ, സംഭാഷണം: ജുബിൻ ജേക്കബ്

​ഛായാഗ്രഹണം: രജീഷ് രാമൻ

​എഡിറ്റിംഗ്: വിപിൻ മണ്ണൂർ

​സംഗീതം: മിനീഷ് തമ്പാൻ (ഗാനരചന: മനു മഞ്ജിത്ത്)

​പശ്ചാത്തല സംഗീതം: പ്രകാശ് അലക്സ്

​ഗായകർ: സുധീപ് കുമാർ, നസീർ മിന്നലെ, എം എ നിഷാദ്

​സൗണ്ട് ഡിസൈൻ & ഓഡിയോഗ്രാഫി: ജുബിൻ രാജ്, ഗണേശ് മാരാർ (ഡോൾബി അറ്റ്മോസ്: ഏരീസ് വിസ്മയ)

​വിതരണം: മാൻ മീഡിയ