നടൻ സലിം കുമാറിനെ ശാരീരിക ബുദ്ധിമുട്ടുകളെ തുടർന്ന് കൊച്ചിയിലെ ആശുപത്രിയിൽ പ്രവേശിപ്പിച്ചു
മലയാളികളുടെ പ്രിയ നടൻ സലിം കുമാറിനെ ശാരീരിക ബുദ്ധിമുട്ടുകളെ തുടർന്ന് കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. നിലവിൽ അദ്ദേഹം വെന്റിലേറ്ററിലാണെന്നാണ് വിവരം
Angel Varghese 
നടൻ സലിം കുമാറിനെ ശാരീരിക ബുദ്ധിമുട്ടുകളെ തുടർന്ന് കൊച്ചിയിലെ ആശുപത്രിയിൽ പ്രവേശിപ്പിച്ചു
കൊച്ചി: പ്രശസ്ത ചലച്ചിത്ര നടനും ദേശീയ പുരസ്കാര ജേതാവുമായ സലിം കുമാറിനെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പെട്ടെന്നുണ്ടായ ശാരീരിക ബുദ്ധിമുട്ടുകളെ തുടർന്നാണ് അദ്ദേഹത്തെ ആശുപത്രിയിൽ എത്തിച്ചത്.
നിലവിൽ തീവ്രപരിചരണ വിഭാഗത്തിൽ (ICU) വെന്റിലേറ്റർ സഹായത്തോടെയാണ് അദ്ദേഹം ചികിത്സയിൽ കഴിയുന്നതെന്നാണ് ലഭിക്കുന്ന പ്രാഥമിക വിവരങ്ങൾ. എന്നാൽ അദ്ദേഹത്തിന്റെ ആരോഗ്യസ്ഥിതിയെ കുറിച്ചുള്ള കൂടുതൽ ഔദ്യോഗിക വിവരങ്ങൾ ആശുപത്രി അധികൃതരോ കുടുംബാംഗങ്ങളോ ഇതുവരെ പുറത്തുവിട്ടിട്ടില്ല. പ്രിയ നടന്റെ ആരോഗ്യസ്ഥിതിയിൽ ആശങ്കയോടെ പ്രാർത്ഥനകളിലാണ് സിനിമാ ലോകവും ആരാധകരും.
