ആലുവയിൽ വിവിധ മോഷണ കേസുകൾ 7 പേർ അറസ്റ്റിൽ 
ദസറ കണ്ണൂരിന്റെ യശസ്സുയർത്തുന്ന ആഘോഷമായി മാറി മന്ത്രി സണ്ണി ജോസഫ് 
ദിലീപ് ,ഉല്ലാസ് കൃഷ്ണ കൂട്ടുകെട്ട് വമ്പൻ താരനിരയുമായി ഹെനോക് , വിതരണം വേഫെറർ ഫിലിംസ് 
തൂവ്വൂർ മാമ്പ്രകുന്ന് എസ്.സി. നഗർ റോഡ് മന്ത്രി എ.പി. അനിൽകുമാർ നാടിന് സമർപ്പിച്ചു 
സംസ്ഥാന സ്കൂൾ കായികമേള ഒക്ടോബർ 25 മുതൽ കോഴിക്കോട്ട് മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും 
വടവുകോട് ക്ഷീര കർഷക സംഗമം 2026 സംഘടിപ്പിച്ചു വി. പി. സജീന്ദ്രൻ എം.എൽ.എ ഉദ്ഘാടനം ചെയ്തു പ്രശസ്ത കവിയും അധ്യാപകനുമായ എ.സി. ശ്രീഹരി അന്തരിച്ചു
കവിയും പയ്യന്നൂർ കോളേജ് ഇംഗ്ലീഷ് വിഭാഗം മുൻ മേധാവിയുമായ എ.സി. ശ്രീഹരി (56) ഹൃദയാഘാതത്തെ തുടർന്ന് അന്തരിച്ചു. ആൻഡ്രോയിഡ് കുഞ്ഞപ്പൻ സിനിമയിലെ പ്രശസ്തമായ ഗാനത്തിന്റെ രചയിതാവാണ്.
Rajeev 
പ്രശസ്ത കവിയും അധ്യാപകനുമായ എ.സി. ശ്രീഹരി അന്തരിച്ചു
പയ്യന്നൂർ: പ്രശസ്ത കവിയും അധ്യാപകനുമായിരുന്ന എ.സി. ശ്രീഹരി (56) അന്തരിച്ചു. ഹൃദയാഘാതത്തെത്തുടർന്ന് ഇന്നലെ രാത്രിയായിരുന്നു മരണം. പയ്യന്നൂര്‍ കോളജിലെ ഇംഗ്ലിഷ് വിഭാഗം മേധാവിയായിരുന്ന അദ്ദേഹം കഴിഞ്ഞ മേയ് 30നാണ് ഔദ്യോഗിക ജീവിതത്തിൽ നിന്നും വിരമിച്ചത്.
പയ്യന്നൂര്‍ കോളജില്‍ അധ്യാപകനായിരിക്കെത്തന്നെ സാംസ്‌കാരിക രംഗങ്ങളിൽ അദ്ദേഹം സജീവ സാന്നിധ്യമായിരുന്നു. അദ്ദേഹത്തിന്റെ കവിതകള്‍ വിവിധ സര്‍വകലാശാലകളില്‍ പാഠ്യപദ്ധതിയുടെ ഭാഗമായി പഠിപ്പിക്കുന്നുണ്ട്. മലയാള കവിതാ രംഗത്തെ സംഭാവനകൾ പരിഗണിച്ച് എന്‍.എന്‍. കക്കാട് അവാര്‍ഡ് (1996), വി.ടി. കുമാരന്‍ അവാര്‍ഡ് (1997), വൈലോപ്പിള്ളി അവാര്‍ഡ് (1999) എന്നിവ അദ്ദേഹത്തിന് ലഭിച്ചിട്ടുണ്ട്.
'ആന്‍ഡ്രോയ്ഡ് കുഞ്ഞപ്പന്‍' എന്ന പ്രശസ്ത സിനിമയിലെ ‘ഓമല്‍ പൂവെ പോരൂ ആരും കാണാതോണ്‍ലൈന്‍ ചാറ്റിന്‍ കാറ്റില്‍’ എന്ന ജനപ്രിയ ഗാനം രചിച്ചത് ശ്രീഹരിയാണ്.
കുടുംബം:
ഭാര്യ: കെ.സംഗീത (പിലാത്തറ കോ-ഓപ്പറേറ്റീവ് കോളേജ് അധ്യാപിക). മകന്‍: എ.സി. ശ്രീഹര്‍ഷന്‍.
മൃതദേഹം നിലവിൽ പയ്യന്നൂർ പ്രിയദർശിനി ഹോസ്പിറ്റലിൽ സൂക്ഷിച്ചിരിക്കുകയാണ്. സംസ്കാരം പിന്നീട് നടക്കും.
