സമരസ ഒഫീഷ്യൽ ടീസർ പുറത്തിറങ്ങി കേന്ദ്ര കഥാപാത്രമായി അഖില നാഥ്
ബാബുരാജ് ഭക്തപ്രിയം സംവിധാനം ചെയ്യുന്ന സമരസ എന്ന ചിത്രത്തിന്റെ ടീസർ റിലീസ് ചെയ്തു. അഖില നാഥ്, ഹരീഷ് പേരടി എന്നിവരാണ് പ്രധാന വേഷങ്ങളിൽ.
A S Dinesh 
അഖില നാഥും ഹരീഷ് പേരടിയും പ്രധാന വേഷങ്ങളിൽ; 'സമരസ' ടീസർ പുറത്തിറങ്ങി
കോഴിക്കോട്: സങ്കല്പം ഫ്രെയിംസിന്റെ ബാനറിൽ ബാബുരാജ് ഭക്തപ്രിയം രചനയും സംവിധാനവും നിർവഹിക്കുന്ന 'സമരസ' എന്ന ചിത്രത്തിന്റെ ഒഫീഷ്യൽ ടീസർ പുറത്തിറങ്ങി. മലയാളത്തിലെ പ്രശസ്ത ചലച്ചിത്ര താരങ്ങളുടെ സോഷ്യൽ മീഡിയ പേജുകളിലൂടെയാണ് ടീസർ റിലീസ് ചെയ്തത്.
നിരവധി ചിത്രങ്ങളിലൂടെ പ്രേക്ഷക ശ്രദ്ധ പിടിച്ചുപറ്റിയ അഖില നാഥ് കേന്ദ്രകഥാപാത്രമാകുന്ന ഈ ചിത്രത്തിൽ, കരുത്തുറ്റ ഒരു വേഷത്തിലാണ് ഹരീഷ് പേരടി എത്തുന്നത്. കുടുംബ പശ്ചാത്തലത്തിലും സാമൂഹിക പ്രസക്തിയുള്ള വിഷയത്തിലുമാണ് ചിത്രം ഒരുങ്ങുന്നതെന്നാണ് സൂചന.
പ്രദീപ് ബാലൻ, ദേവരാജ്, ദിനേശ് പട്ടത്ത്, വിജയകൃഷ്ണൻ, വിനോദ് കോഴിക്കോട്, ഹാഷിം ഹുസൈൻ, രത്നാകരൻ, രാജീവ് മേനത്ത്, ബിനീഷ് പള്ളിക്കര, നിലമ്പൂർ ആയിഷ, മാളവിക ഷാജി തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്.
'ജഗള' എന്ന ചിത്രത്തിലൂടെ ശ്രദ്ധേയനായ സുമേഷ് സുരേന്ദ്രനാണ് ഛായാഗ്രഹണം. പ്രഭാകരൻ നറുകരയുടെ വരികൾക്ക് അഭയ് എ.കെ, ബാബുരാജ് ഭക്തപ്രിയം എന്നിവർ സംഗീതം നൽകുന്നു. എഡിറ്റിംഗ് ജോമോൻ സിറിയക് നിർവഹിക്കുന്നു.
