കൊച്ചിയിൽ എംഡിഎംഎയുമായി മലപ്പുറം സ്വദേശികൾ പിടിയിൽ 
ദസറ കണ്ണൂരിന്റെ വികാരമായി മാറി സ്പീക്കര് തിരുവഞ്ചൂര് രാധാകൃഷ്ണന് 
സംഗീത ലോകത്തുനിന്ന് അഭിനയത്തിലേക്ക് റോക്ക്സ്റ്റാർ ദേവി ശ്രീ പ്രസാദിന്റെ യെല്ലമ്മ 
സിപിഐ എം മൂവാറ്റുപുഴ നോർത്ത് ലോക്കൽ കമ്മിറ്റി ഓഫീസ് നവീകരിച്ച് പ്രവർത്തനം ആരംഭിച്ചു 
കല്ലാർ ഡാമിന്റെ ഷട്ടറുകൾ തുറക്കും ചിന്നാർ, കല്ലാർ പുഴയോരത്തുള്ളവർക്ക് ജാഗ്രതാ നിർദേശം 
അഹമ്മദ് കബീർ കാളിദാസ് കൂട്ടുകെട്ട് മെനി മെനി ഹാപ്പി റിട്ടേൺസ് വിതരണാവകാശം ഭാവന സ്റ്റുഡിയോസിന് ബംഗാളിൽ ഭാര്യയെ കൊന്നു മുങ്ങി; ഒളിത്താവളമായി പെരുമ്പാവൂർ തിരഞ്ഞെടുത്ത പ്രതി പോലീസ് വലയിൽ
ബംഗാളിൽ ഭാര്യയെ കൊലപ്പെടുത്തിയ ശേഷം ഒളിവിൽ പോയ ഇരുപത്തിയെട്ടുകാരനായ ഇതരസംസ്ഥാന തൊഴിലാളിയെ പെരുമ്പാവൂർ പോലീസ് പിടികൂടി. പ്രതിയെ ഹൗറ പോലീസിന് കൈമാറി.
Angel Varghese 
പെരുമ്പാവൂർ: ബംഗാളിൽ ഭാര്യയെ കൊലപ്പെടുത്തിയ ശേഷം ഒളിവിൽ പോയ ഇതരസംസ്ഥാന തൊഴിലാളി പെരുമ്പാവൂരിൽ പോലീസ് പിടിയിലായി. വെസ്റ്റ് ബംഗാൾ മൂർഷിദാബാദ് സ്വദേശി രാഹുൽ (28) നെയാണ് പെരുമ്പാവൂർ എ.എസ്.പിയുടെ പ്രത്യേക അന്വേഷണ സംഘം അറസ്റ്റ് ചെയ്തത്. പെരുമ്പാവൂർ ടൗണിൽ ഹെൽപ്പർ ജോലി ചെയ്ത് ഒളിവിൽ കഴിയുകയായിരുന്നു ഇയാൾ.
കഴിഞ്ഞ ഫെബ്രുവരിയിൽ വെസ്റ്റ് ബംഗാൾ ഹൗറ ഡോംജൂർ പോലീസ് സ്റ്റേഷൻ പരിധിയിലായിരുന്നു കൊലപാതകം നടന്നത്. കൃത്യത്തിന് ശേഷം പ്രതി ഹൗറയിൽ നിന്നും മുങ്ങുകയായിരുന്നു. മുൻപും പെരുമ്പാവൂരിൽ ജോലി ചെയ്തിട്ടുള്ള രാഹുൽ, പരിചയമുള്ള സ്ഥലമെന്ന രീതിയിലാണ് വീണ്ടും ഇവിടെയെത്തി ഒളിവിൽ കഴിഞ്ഞത്.
രഹസ്യവിവരത്തിന്റെ അടിസ്ഥാനത്തിൽ പെരുമ്പാവൂർ എ.എസ്.പി ഹാർദിക് മീണ, ഇൻസ്പെക്ടർ എൽ. അനിൽകുമാർ, എ.എസ്.ഐ പി.എ. അബ്ദുൽ മനാഫ്, സീനിയർ സി.പി.ഒ ബെന്നി ഐസക്ക് എന്നിവരടങ്ങിയ പ്രത്യേക സംഘമാണ് പ്രതിയെ വലയിലാക്കിയത്. അറസ്റ്റിലായ പ്രതിയെ തുടർനടപടികൾക്കായി ഹൗറ ഡോംജൂർ പോലീസിന് കൈമാറി.
