പ്രഥമ ദൃഷ്ട്യാ കുറ്റക്കാർ ഫുൾ പായ്ക്കപ്പ് ആശ്രിത നിയമനം വഴി ജോലിക്കയറിയ പൊലീസുകാരിയായി പാർവ്വതി
പാർവ്വതി തിരുവോത്ത് പ്രധാന വേഷത്തിലെത്തുന്ന ‘പ്രഥമ ദൃഷ്ട്യാ കുറ്റക്കാർ’ സിനിമയുടെ ചിത്രീകരണം ചങ്ങനാശ്ശേരിയിലും കുട്ടനാട്ടിലുമായി പൂർത്തിയായി. ഷഹദ് സംവിധാനം ചെയ്യുന്ന ചിത്രത്തിന്റെ വിശേഷങ്ങൾ
പാർവ്വതി തിരുവോത്ത് ചിത്രം ‘പ്രഥമ ദൃഷ്ട്യാ കുറ്റക്കാർ’ ചിത്രീകരണം പൂർത്തിയായി; ഇതൊരു കട്ട ഇൻവെസ്റ്റിഗേഷൻ സ്റ്റോറി!
കോട്ടയം: പാർവ്വതി തിരുവോത്ത് കേന്ദ്രകഥാപാത്രത്തെ അവതരിപ്പിക്കുന്ന ‘പ്രഥമ ദൃഷ്ട്യാ കുറ്റക്കാർ’ എന്ന പുതിയ ചിത്രത്തിന്റെ ചിത്രീകരണം പൂർത്തിയായി. കോട്ടയം, ചങ്ങനാശ്ശേരി, കുട്ടനാട് എന്നിവിടങ്ങളിലായിരുന്നു സിനിമയുടെ പ്രധാന ചിത്രീകരണം നടന്നത്. ‘പ്രകാശൻ പറക്കട്ടെ’, ‘അനുരാഗം’ എന്നീ ചിത്രങ്ങളിലൂടെ പ്രേക്ഷകശ്രദ്ധ നേടിയ ഷഹദ് ആണ് ഈ ചിത്രം സംവിധാനം ചെയ്യുന്നത്. 11 ഐക്കൺസ് ഫിലിം പ്രൊഡക്ഷൻസിന്റെ ബാനറിൽ അർജുൻ സെൽവയാണ് ചിത്രം നിർമ്മിക്കുന്നത്.
പൂർണ്ണമായും ഒരു ഇൻവെസ്റ്റിഗേറ്റീവ് ത്രില്ലർ ജോണറിലാണ് ഷഹദ് ഈ ചിത്രം ഒരുക്കുന്നത്. ഭർത്താവിന്റെ മരണത്തെ തുടർന്ന് ആശ്രിതനിയമനത്തിലൂടെ പോലീസ് ജോലിയിൽ പ്രവേശിക്കുന്ന ഒരു വനിതാ കോൺസ്റ്റബിളിന്റെ ഔദ്യോഗിക ജീവിതവും അതിനെ തുടർന്നുണ്ടാകുന്ന ഉദ്വേഗഭരിതമായ സംഭവങ്ങളുമാണ് ചിത്രത്തിന്റെ പ്രധാന ഇതിവൃത്തം. ഈ വനിതാ കോൺസ്റ്റബിളിന്റെ കരുത്തുറ്റ കഥാപാത്രത്തെയാണ് പാർവ്വതി തിരുവോത്ത് സ്ക്രീനിൽ എത്തിക്കുന്നത്.
വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. വിജയരാഘവൻ, സായ് കുമാർ, മാത്യു തോമസ്, വിനയ് ഫോർട്ട്, അസീസ് നെടുമങ്ങാട്, സിദ്ധാർത്ഥ് ഭരതൻ, ഉണ്ണിമായ പ്രസാദ്, ജയശ്രീ, നിയാസ് ബക്കർ, സിറാജ് എന്നിവർക്കൊപ്പം പ്രശസ്ത തമിഴ് താരം പാർത്ഥിപനും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്.
പി.എസ്. സുബ്രഹ്മണ്യം, വിജേഷ് തോട്ടുങ്കൽ എന്നിവർ ചേർന്നാണ് ചിത്രത്തിന്റെ രചന നിർവ്വഹിച്ചിരിക്കുന്നത്. റോബി രാജ് ഛായാഗ്രഹണവും ചമൻ ചാക്കോ എഡിറ്റിംഗും നിർവ്വഹിക്കുന്നു. മുജീബ് മജീദ് ആണ് സംഗീത സംവിധായകൻ.
മറ്റു അണിയറപ്രവർത്തകർ:
കലാസംവിധാനം: മഹേഷ് മോഹൻ
മേക്കപ്പ്: അമൽ
കോസ്റ്റ്യൂം ഡിസൈൻ: സമീറ സനീഷ്
ചീഫ് അസ്സോസ്സിയേറ്റ് ഡയറക്ടർ: ബേബി പണിക്കർ
സ്റ്റിൽസ്: റിജാഷ് മുഹമ്മദ്
ലൈൻ പ്രൊഡ്യൂസർ: ദീപക്
പ്രൊഡക്ഷൻ മാനേജർ: എൽദോ ജോൺ
പ്രൊഡക്ഷൻ എക്സിക്യൂട്ടീവ്: ഫഹദ് (അപ്പു)
പ്രൊഡക്ഷൻ കൺട്രോളർ: സനൂപ് ചങ്ങനാശ്ശേരി
സെൻട്രൽ പിക്ചേഴ്സ് ആണ് ഈ ചിത്രം തിയേറ്ററുകളിൽ എത്തിക്കുന്നത്. സിനിമയുടെ പോസ്റ്റ് പ്രൊഡക്ഷൻ ജോലികൾ ഉടൻ ആരംഭിക്കും
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
