ദ്രൗപതി 2
ചരിത്രവിസ്മയമായി ദ്രൗപതി 2 സെൻസറിംഗ് പൂർത്തിയായി ജനുവരിയിൽ തിയേറ്ററുകളിലേക്ക്
Siva Prasad 
ചരിത്രവിസ്മയമായി ‘ദ്രൗപതി 2’; സെൻസറിംഗ് പൂർത്തിയായി, ജനുവരിയിൽ തിയേറ്ററുകളിലേക്ക്
കൊച്ചി: 2020-ൽ വലിയ ചർച്ചകൾക്ക് വഴിവെച്ച ‘ദ്രൗപതി’ക്ക് ശേഷം സംവിധായകൻ മോഹൻ ജിയും യുവതാരം റിച്ചാർഡ് റിഷിയും വീണ്ടും ഒന്നിക്കുന്ന പാൻ ഇന്ത്യൻ ചിത്രം ‘ദ്രൗപതി 2’ ജനുവരി അവസാനത്തോടെ തിയേറ്ററുകളിലെത്തും. സെൻസർ നടപടികൾ പൂർത്തിയാക്കിയ ചിത്രത്തിന് ‘U/A’ സർട്ടിഫിക്കറ്റാണ് ലഭിച്ചിരിക്കുന്നത്. 14-ാം നൂറ്റാണ്ടിലെ ദക്ഷിണേന്ത്യൻ ചരിത്രം പ്രമേയമാക്കിയ ചിത്രം മലയാളം ഉൾപ്പെടെ അഞ്ച് ഭാഷകളിലായിട്ടാണ് റിലീസ് ചെയ്യുന്നത്.
ഹൊയ്സാല ചക്രവർത്തി വീരബല്ലാല മൂന്നാമന്റെയും കടവ സാമ്രാജ്യത്തിന്റെയും കഥയാണ് ചിത്രത്തിന്റെ ആധാരം. മുഗൾ അധിനിവേശം തമിഴ്നാടിനെ ബാധിച്ച ചരിത്ര പശ്ചാത്തലത്തിൽ ഒരുക്കിയിരിക്കുന്ന ഒരു പക്കാ ഹിസ്റ്റോറിക്കൽ ആക്ഷൻ ഡ്രാമയാണിത്. മലയാളിയായ രക്ഷണ ഇന്ദുചൂഡൻ ആണ് ചിത്രത്തിൽ ദ്രൗപതി ദേവിയായി ടൈറ്റിൽ റോളിലെത്തുന്നത്.
ജിബ്രാൻ വൈബോധ സംഗീതം നിർവ്വഹിച്ച ചിത്രത്തിൽ നട്ടി നടരാജ്, വൈ.ജി മഹേന്ദ്രൻ, വേല രാമമൂർത്തി തുടങ്ങിയ വൻ താരനിര അണിനിരക്കുന്നുണ്ട്. നേതാജി പ്രൊഡക്ഷൻസിന്റെ ബാനറിൽ സോള ചക്രവർത്തിയാണ് ചിത്രം നിർമ്മിച്ചിരിക്കുന്നത്. ലഹാരി മ്യൂസിക് ആണ് ചിത്രത്തിന്റെ മ്യൂസിക് റൈറ്റ്സ് സ്വന്തമാക്കിയത്.
