ചരിത്രം കുറിച്ച് രൺവീർ സിങ് ധുരന്ധർ പ്രതികാരം 1783 കോടിയിലേക്ക്, ഇന്ത്യയിൽ 1000 കോടി ക്ലബ്ബിൽ ഇടംപിടിക്കുന്ന ആദ്യ ചിത്രം

​ബോക്സ് ഓഫീസിൽ 'ധുരന്ധർ' തരംഗം: 1700 കോടി പിന്നിട്ട് കുതിപ്പ്; ഇന്ത്യയിൽ നിന്നും മാത്രം 1000 കോടി!

​മുംബൈ: ആദിത്യ ധർ-രൺവീർ സിങ് കൂട്ടുകെട്ടിൽ പുറത്തിറങ്ങിയ ബിഗ് ബജറ്റ് ചിത്രം 'ധുരന്ധർ പ്രതികാരം' ബോക്സ് ഓഫീസിൽ ചരിത്രം കുറിക്കുന്നു. റിലീസ് ചെയ്ത് 30 ദിവസം പിന്നിടുമ്പോൾ ചിത്രം ആഗോളതലത്തിൽ 1783 കോടി രൂപയാണ് കലക്ട് ചെയ്തിരിക്കുന്നത്. ഇന്ത്യൻ സിനിമയിൽ തന്നെ അപൂർവ്വമായ 'ഓൾ ടൈം ബ്ലോക്ക്ബസ്റ്റർ' പദവിയിലേക്കാണ് ചിത്രം കുതിക്കുന്നത്.

​ഇന്ത്യയിൽ നിന്ന് മാത്രം 1000 കോടി നെറ്റ് ഗ്രോസ് നേടുന്ന ആദ്യ ചിത്രം എന്ന റെക്കോർഡും ഇതോടെ ധുരന്ധർ പ്രതികാരം സ്വന്തമാക്കി. നിലവിൽ 1153 കോടി രൂപയാണ് ഇന്ത്യയിലെ നെറ്റ് കലക്ഷൻ.

​കലക്ഷൻ ബ്രേക്ക് അപ്പ് ഇങ്ങനെ:

​ചിത്രം റിലീസ് ചെയ്തത് മുതൽ ബോക്സ് ഓഫീസിൽ വൻ ചലനമാണ് സൃഷ്ടിച്ചത്. നിർമ്മാതാക്കൾ പുറത്തുവിട്ട കണക്കുകൾ പ്രകാരം ഇന്ത്യയിലെ പ്രകടനം താഴെ പറയുന്ന രീതിയിലാണ്:

​ആദ്യ വാരം (8 ദിവസം): ₹690 കോടി

​രണ്ടാം വാരം: ₹271 കോടി

​മൂന്നാം വാരം: ₹120 കോടി

​നാലാം വാരം: ₹58 കോടി

​അഞ്ചാം വീക്കെൻഡ്: ₹13.50 കോടി (വെള്ളി - 3 കോടി, ശനി - 5 കോടി, ഞായർ - 5.50 കോടി)

​32 ദിവസം കൊണ്ട് ഇന്ത്യയിൽ നിന്ന് മാത്രം 1360 കോടി രൂപ ഗ്രോസ് കലക്ഷൻ നേടിയ ചിത്രം വിദേശ മാർക്കറ്റുകളിൽ നിന്ന് 423 കോടി രൂപയും സ്വന്തമാക്കി. ജിയോ സ്റ്റുഡിയോസും ബി62 സ്റ്റുഡിയോസും ചേർന്നാണ് ഈ ബ്രഹ്മാണ്ഡ ചിത്രം നിർമ്മിച്ചിരിക്കുന്നത്. വരും ദിവസങ്ങളിലും ചിത്രം കൂടുതൽ റെക്കോർഡുകൾ തകർക്കുമെന്നാണ് ട്രേഡ് അനലിസ്റ്റുകളുടെ വിലയിരുത്തൽ