മമ്മൂട്ടി ഖാലിദ് റഹ്മാൻ ചിത്രം
മമ്മൂട്ടി ഖാലിദ് റഹ്മാൻ ചിത്രം വരുന്നു നിർമ്മാണം ക്യൂബ്സ് എൻ്റർടൈൻമെൻ്റ് മാർക്കോ കാട്ടാളൻ എന്നീ ബിഗ് ബജറ്റ് ചിത്രങ്ങൾക്ക് ശേഷം
Vazhoor Jose 
മമ്മൂട്ടി-ഖാലിദ് റഹ്മാൻ ചിത്രം വരുന്നു; നിർമ്മാണം ക്യൂബ്സ് എൻ്റർടൈൻമെൻ്റ്
കൊച്ചി: 'മാർക്കോ', 'കാട്ടാളൻ' എന്നീ ബിഗ് ബജറ്റ് ചിത്രങ്ങൾക്ക് ശേഷം ക്യൂബ്സ് എൻ്റർടൈൻമെൻ്റിൻ്റെ ബാനറിൽ ഷെരീഫ് മുഹമ്മദ് നിർമ്മിക്കുന്ന പുതിയ ചിത്രത്തിൽ മമ്മൂട്ടി നായകനാകുന്നു. സൂപ്പർഹിറ്റ് ചിത്രം 'തല്ലുമാല'യ്ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ഈ ചിത്രം ഒരു പക്കാ ഗ്യാങ് വാർ ആക്ഷൻ ത്രില്ലറാണ്.
വലിയ മുതൽമുടക്കിൽ ഒരുങ്ങുന്ന ചിത്രത്തിൽ മലയാളത്തിലേയും തെന്നിന്ത്യയിലേയും പ്രമുഖ താരങ്ങൾ അണിനിരക്കും. സാങ്കേതിക മേഖലയിലും വൻനിരയെയാണ് അണിയറപ്രവർത്തകർ ലക്ഷ്യമിടുന്നത്. ചിത്രത്തിൻ്റെ പ്രീ-പ്രൊഡക്ഷൻ ജോലികൾ ഇതിനകം ആരംഭിച്ചു കഴിഞ്ഞു. മമ്മൂട്ടിയും ഖാലിദ് റഹ്മാനും ആദ്യമായി ഒന്നിക്കുന്ന ഈ പ്രോജക്റ്റ് സിനിമാ പ്രേമികൾക്കിടയിൽ വലിയ ആവേശം സൃഷ്ടിച്ചിട്ടുണ്ട്. ചിത്രത്തിലെ മറ്റു താരങ്ങളെയും സാങ്കേതിക പ്രവർത്തകരെയും കുറിച്ചുള്ള വിവരങ്ങൾ ഉടൻ പുറത്തുവിടുമെന്ന് നിർമ്മാതാക്കൾ അറിയിച്ചു.
