എറണാകുളം ഗവ. ലോ കോളേജ് അഖിലേന്ത്യാ മൂട്ട് കോർട്ട് നാൽസ് കൊച്ചിക്ക് ഒന്നാം സ്ഥാനം

എറണാകുളം ഗവൺമെന്റ് ലോ കോളേജിൽ നടന്ന 23 മത് അഖിലേന്ത്യാ മൂട്ട് കോർട്ട് മത്സരത്തിൽ നാൽസ് കൊച്ചി ജേതാക്കളായി. ഹൈക്കോടതി ജഡ്ജിമാർ സമ്മാനദാനം നിർവ്വഹിച്ചു.

Mar 16, 2026 - 02:16

എറണാകുളം ഗവ. ലോ കോളേജ് അഖിലേന്ത്യാ മൂട്ട് കോർട്ട് നാൽസ് കൊച്ചിക്ക് ഒന്നാം സ്ഥാനം

എറണാകുളം ഗവൺമെന്റ് ലോ കോളേജിൽ നടന്ന 23-മത് അഖിലേന്ത്യാ മൂട്ട് കോർട്ട് മത്സരത്തിൽ നാൽസ് കൊച്ചി ജേതാക്കളായി. ഹൈക്കോടതി ജഡ്ജിമാർ സമ്മാനദാനം നിർവ്വഹിച്ചു.

അഖിലേന്ത്യാ മൂട്ട് കോർട്ട് മത്സരം: നാൽസ് (NUALS) കൊച്ചി ജേതാക്കൾ; എറണാകുളം ലോ കോളേജിൽ പ്രൗഢമായ സമാപനം

കൊച്ചി: എറണാകുളം ഗവൺമെന്റ് ലോ കോളേജിൽ നടന്ന 23-മത് അഖിലേന്ത്യാ മൂട്ട് കോർട്ട് മത്സരത്തിൽ നാഷണൽ യൂണിവേഴ്‌സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസ് (NUALS) കൊച്ചി ജേതാക്കളായി. രാജ്യത്തെ വിവിധ ഭാഗങ്ങളിൽ നിന്നുള്ള നിയമ വിദ്യാർത്ഥികൾ മാറ്റുരച്ച വാശിയേറിയ ഫൈനൽ പോരാട്ടത്തിൽ ബംഗളുരുവിലെ ക്രൈസ്റ്റ് അക്കാദമി ഇൻസ്റ്റിറ്റ്യൂട്ട് ഓഫ് ലോ രണ്ടാം സ്ഥാനം കരസ്ഥമാക്കി.

സമാപന സമ്മേളനത്തിലും സമ്മാനദാന ചടങ്ങിലും ഹൈക്കോടതി ജഡ്ജിമാരായ ജസ്റ്റിസ് സി. എസ്. ഡയസ്, ജസ്റ്റിസ് ജോബിൻ സെബാസ്റ്റ്യൻ, ജസ്റ്റിസ് സിയാദ് റഹ്മാൻ എന്നിവർ മുഖ്യാതിഥികളായി പങ്കെടുത്തു. യുവ അഭിഭാഷകർക്ക് പ്രായോഗിക നിയമജ്ഞാനം പകർന്നുനൽകുന്നതിൽ ഇത്തരം മത്സരങ്ങൾ വഹിക്കുന്ന പങ്കിനെക്കുറിച്ച് ജഡ്ജിമാർ സംസാരിച്ചു.

ലോ കോളേജ് പ്രിൻസിപ്പൽ ഡോ. ബിന്ദുരോൾ അദ്ധ്യക്ഷത വഹിച്ച ചടങ്ങിൽ ഡോ. ഷിൻസി പി.എസ് സ്വാഗതവും ഡോ. ലിനി കെ കൃതജ്ഞതയും രേഖപ്പെടുത്തി. കൺവീനർ മാഹിൻ അബൂബക്കർ, ഡോ. പ്രിയ ആർ എന്നിവർ സംസാരിച്ചു. മൂന്നു ദിവസം നീണ്ടുനിന്ന മത്സരത്തിൽ രാജ്യത്തെ പ്രമുഖ നിയമ കലാലയങ്ങളിൽ നിന്നുള്ള ടീമുകളാണ് പങ്കെടുത്തത്.