സുരാജ് വെഞ്ഞാറമൂട് റൺ മാമാ റൺ ചിരിപ്പൂരം
സുരാജ് വെഞ്ഞാറമൂട് മുഴുനീള കോമഡി കഥാപാത്രവുമായി വീണ്ടും 'റൺ മാമാ റൺ' നർമ്മത്തിന്റെ ചിരിപ്പൂരം ഒരുങ്ങുന്നു
Vazhoor Jose 
സുരാജ് വെഞ്ഞാറമൂട് മുഴുനീള കോമഡി കഥാപാത്രവുമായി വീണ്ടും
'റൺ മാമാ റൺ' നർമ്മത്തിന്റെ ചിരിപ്പൂരം ഒരുങ്ങുന്നു
കൊച്ചി: ഏറെ ഇടവേളയ്ക്ക് ശേഷം പ്രേക്ഷകരുടെ പ്രിയതാരം സുരാജ് വെഞ്ഞാറമൂട് ഒരു സമ്പൂർണ്ണ ഫൺ കഥാപാത്രവുമായി സിനിമയിലേക്ക് മടങ്ങിയെത്തുന്നു. നവാഗതനായ പ്രശാന്ത് വിജയകുമാർ സംവിധാനം ചെയ്യുന്ന 'റൺ മാമാ റൺ' എന്ന ചിത്രത്തിലൂടെയാണ് സുരാജ് മുഴുനീള കോമഡി വേഷത്തിലെത്തുന്നത്.
കഴിഞ്ഞ കുറച്ചുകാലമായി കോമഡിയിൽ നിന്ന് വഴിമാറി സീരിയസ് കഥാപാത്രങ്ങളിലൂടെ സഞ്ചരിക്കുകയായിരുന്ന സുരാജ്, താൽക്കാലികമായി അതിന് വിരാമമിട്ടുകൊണ്ടാണ് ഈ ചിരിചിത്രത്തിൽ അഭിനയിക്കുന്നത്.
???? കഥാപാത്രങ്ങൾ
ഒരു പാശ്ചാത്യ സംസ്കാരമുള്ള 'ക്വീൻ ഐലൻഡ്' എന്ന ദ്വീപിൽ നിരവധി പ്രശ്നങ്ങളും ചില്ലറ തരികിട പരിപാടികളുമായി ജീവിക്കുന്ന എഡിസൺ എന്ന യുവാവിനെയാണ് സുരാജ് വെഞ്ഞാറമൂട് അവതരിപ്പിക്കുന്നത്. തൻ്റെ പ്രശ്നങ്ങൾക്ക് പരിഹാരം തേടുന്ന എഡിസൻ്റെ ജീവിതത്തിലേക്ക് ഗുരുതരമായ ചില പ്രശ്നങ്ങളുമായി മരുമകൻ ഗബ്രി കടന്നുവരുന്നതും, തുടർന്ന് അമ്മാവനും മരുമകനും ഒരുപോലെ പ്രശ്നപരിഹാരത്തിനായി നടത്തുന്ന ശ്രമങ്ങളുമാണ് ചിത്രത്തിന്റെ ഇതിവൃത്തം. അത്യന്തം രസകരമായ മുഹൂർത്തങ്ങളാണ് ഈ ചലച്ചിത്രാവിഷ്കാരത്തിലുള്ളത്.
യുവനിരയിലെ ശ്രദ്ധേയനായ ബാലു വർഗീസാണ് മരുമകൻ ഗബ്രിയെ അവതരിപ്പിക്കുന്നത്. സുരാജും ബാലു വർഗീസും ചേർന്ന് നർമ്മത്തിൻ്റെ തീപ്പൊരി പാറിക്കുമെന്നതിൽ സംശയമില്ല.
???? താരനിര
സുരാജ് വെഞ്ഞാറമൂടിനും ബാലു വർഗീസിനും പുറമെ ബാബുരാജ്, ഇന്ദ്രൻസ്, ഷമ്മി തിലകൻ, കോട്ടയം നസീർ, ഉണ്ണിരാജ, സുധീർ പറവൂർ, സാജൻ പള്ളുരുത്തി, ബോളിവുഡ് താരം പങ്കജ് ജാ എന്നിവരും ചിത്രത്തിൽ അണിനിരക്കുന്നു. കൂടാതെ, നടൻ ജനാർദ്ദനനും മുഖ്യമായ ഒരു കഥാപാത്രത്തെ അവതരിപ്പിക്കുന്നുണ്ട്.
???? അണിയറ പ്രവർത്തകർ
നിർമ്മാണം: ഷനാസ് ഹമീദ്, പ്രശാന്ത് വിജയകുമാർ (സ്റ്റോറി ലാബ് മൂവീസ് ബാനറിൽ)
കഥ, തിരക്കഥ, സംഭാഷണം: രജീഷ് മിഥില
സംഗീതം: ഗോപി സുന്ദർ
ഗാനരചന: ഹരി നാരായണൻ, സുഹൈൽ കോയ
ഛായാഗ്രഹണം: കിരൺ കിഷോർ
എഡിറ്റിംഗ്: വി. സാജൻ
കലാ സംവിധാനം: ഷം ജിത്ത് രവി
പ്രൊഡക്ഷൻ കൺട്രോളർ: മനോജ് കാരന്തൂർ
ഈ കോമഡി എൻ്റർടെയ്നറിൻ്റെ ചിത്രീകരണം ഡിസംബർ പതിനഞ്ചിന് കൊച്ചിയിൽ ആരംഭിക്കും. കൊച്ചിയിലും കൊൽക്കത്തയിലുമായി ചിത്രീകരണം പൂർത്തിയാക്കാനാണ് അണിയറപ്രവർത്തകരുടെ പദ്ധതി.
