പൊള്ളുന്ന ഇന്ധനവില പെട്രോളിനും ഡീസലിനും 3 രൂപയിലേറെ കൂടി തിരുവനന്തപുരത്ത് 110 കടന്നു
രാജ്യത്ത് പെട്രോൾ, ഡീസൽ വിലയിൽ ലിറ്ററിന് 3.04 രൂപയുടെ വർധനവ്. പശ്ചിമേഷ്യൻ യുദ്ധത്തെ തുടർന്ന് ക്രൂഡ് ഓയിൽ വില ഉയർന്നതാണ് തിരിച്ചടിയായത്. കൊച്ചി, തിരുവനന്തപുരം, കോട്ടയം എന്നിവിടങ്ങളിലെ പുതിയ നിരക്കുകൾ അറിയാം.
അനില എം കൃഷ്ണൻ 
ഇന്ധനവില കുതിക്കുന്നു: പെട്രോളിനും ഡീസലിനും മൂന്ന് രൂപയിലധികം കൂടി; സംസ്ഥാനത്ത് വില 110 കടന്നു
തിരുവനന്തപുരം: പശ്ചിമേഷ്യൻ രാജ്യങ്ങളിലെ യുദ്ധസാഹചര്യത്തെ തുടർന്ന് അന്താരാഷ്ട്ര വിപണിയിൽ ക്രൂഡ് ഓയിൽ വില വർധിച്ചതോടെ രാജ്യത്ത് ഇന്ധനവില കൂട്ടി. പെട്രോളിനും ഡീസലിനും ലിറ്ററിന് 3.04 രൂപയാണ് വർധിപ്പിച്ചത്. സംസ്ഥാനത്തെ പ്രധാന നഗരങ്ങളിലെല്ലാം ഇന്ധനവിലയിൽ വലിയ മാറ്റമാണുണ്ടായിരിക്കുന്നത്.
തിരുവനന്തപുരത്ത് ഒരു ലിറ്റർ പെട്രോളിന് 110.75 രൂപയായി. കൊച്ചിയിൽ പെട്രോൾ വില 108.78 രൂപയായും ഡീസൽ വില 97.67 രൂപയായും ഉയർന്നു. കോട്ടയത്ത് പെട്രോളിന് 109.28 രൂപയും ഡീസലിന് 98.14 രൂപയുമാണ് ഇന്നത്തെ നിരക്ക്.
കഴിഞ്ഞ കുറച്ചു ദിവസങ്ങളായി പ്രീമിയം പെട്രോളിന്റെയും വാണിജ്യ സിലിണ്ടറിന്റെയും വിലയിൽ വർധനവുണ്ടായിരുന്നു. ഇതിന് പിന്നാലെയാണ് ഇപ്പോൾ സാധാരണ പെട്രോളിനും ഡീസലിനും വില കൂട്ടിയിരിക്കുന്നത്. പശ്ചിമേഷ്യയിലെ സംഘർഷാവസ്ഥ തുടരുന്നതിനാൽ വരും ദിവസങ്ങളിലും ഇന്ധനവിലയിൽ മാറ്റമുണ്ടാകാൻ സാധ്യതയുണ്ടെന്നാണ് വിപണി വിദഗ്ധർ വിലയിരുത്തുന്നത്.
