മകളുടെ മുഖം ആദ്യമായി കാണിച്ച് രാം ചരണും ഉപാസനയും ക്ലിൻ കാരയുടെ ചിത്രങ്ങൾ വൈറൽ
തെലുങ്ക് സൂപ്പർതാരം രാം ചരണും ഭാര്യ ഉപാസന കൊനിഡേലയും തങ്ങളുടെ മകൾ ക്ലിൻ കാരയുടെ മുഖം ആദ്യമായി സമൂഹമാധ്യമങ്ങളിലൂടെ പങ്കുവെച്ചു. മകളുടെ മൂന്നാം ജന്മദിനത്തോടനുബന്ധിച്ചാണ് താരദമ്പതികൾ ചിത്രം പുറത്തുവിട്ടത്.
Sabari 
മകൾ ക്ലിൻ കാരയുടെ മുഖം ആദ്യമായി പൊതുമാധ്യമത്തിൽ പങ്കുവെച്ച് രാം ചരൺ- ഉപാസന ദമ്പതികൾ; ചിത്രങ്ങൾ വൈറൽ
ഹൈദരാബാദ്: തെലുങ്ക് സൂപ്പർതാരം രാം ചരണും ഭാര്യയും സംരംഭകയുമായ ഉപാസന കൊനിഡേലയും തങ്ങളുടെ മകളായ ക്ലിൻ കാരയുടെ മുഖം ആദ്യമായി പൊതുമാധ്യമങ്ങളിലൂടെ ആരാധകർക്കായി പങ്കുവെച്ചു. മകളുടെ മൂന്നാം ജന്മദിനത്തോടനുബന്ധിച്ചാണ് താരദമ്പതികൾ മകൾക്കൊപ്പമുള്ള മനോഹരമായ ചിത്രം പുറത്തുവിട്ടത്. ജനിച്ചതു മുതൽ ഇന്നുവരെ ക്ലിൻ കാരയുടെ മുഖം വ്യക്തമാകുന്ന ചിത്രങ്ങളൊന്നും തന്നെ ഇരുവരും സമൂഹമാധ്യമങ്ങളിൽ പങ്കുവെച്ചിരുന്നില്ല. അതുകൊണ്ടുതന്നെ, പ്രിയതാരത്തിന്റെ മകളുടെ ചിത്രം ഇതിനോടകം തന്നെ സോഷ്യൽ മീഡിയയിൽ തരംഗമായി മാറിക്കഴിഞ്ഞു.
2023 ജൂൺ 20-നായിരുന്നു രാം ചരൺ- ഉപാസന ദമ്പതികളുടെ ആദ്യത്തെ കൺമണിയായി ക്ലിൻ കാര കൊനിഡെല ജനിക്കുന്നത്. വലിയ ആഘോഷങ്ങളോടെയായിരുന്നു അന്ന് ആരാധകർ ഈ വാർത്ത വരവേറ്റത്.
അടുത്തിടെ ഈ ദമ്പതികൾക്ക് ഇരട്ട കുട്ടികൾ കൂടി ജനിച്ചിരുന്നു. ഒരാൺകുഞ്ഞും പെൺകുഞ്ഞുമാണ് ഇരുവർക്കും രണ്ടാമത് പിറന്നത്. 'ശിവ റാം', 'അൻവീര ദേവി' എന്നിങ്ങനെയാണ് ഇരട്ടക്കുട്ടികൾക്ക് ഇരുവരും പേരിട്ടിരിക്കുന്നത്. മൂത്തമകളുടെ ജന്മദിനത്തിൽ ഒപ്പമുള്ള ചിത്രം കൂടി പുറത്തുവന്നതോടെ കൊനിഡേല കുടുംബത്തിന് ആശംസകളുമായി സിനിമാ ലോകത്തെ പ്രമുഖരും ലക്ഷക്കണക്കിന് ആരാധകരുമാണ് രംഗത്തെത്തുന്നത്.
