ആദ്യ ഷാഫി മെമ്മോറിയൽ അവാർഡ് ജിതിൻ കെ ജോസിന്
പ്രഥമ ഷാഫി മെമ്മോറിയൽ അവാർഡ് ജിതിൻ കെ. ജോസിന് പുരസ്കാരം കളങ്കാവൽ എന്ന ചിത്രത്തിന്
A S Dinesh 
പ്രഥമ ഷാഫി മെമ്മോറിയൽ അവാർഡ് ജിതിൻ കെ. ജോസിന്; പുരസ്കാരം 'കളങ്കാവൽ' എന്ന ചിത്രത്തിന്
കൊച്ചി: അന്തരിച്ച പ്രശസ്ത സംവിധായകൻ ഷാഫിയുടെ സ്മരണാർത്ഥം ഷാഫി സ്മാരക ട്രസ്റ്റ് ഏർപ്പെടുത്തിയ പ്രഥമ ഷാഫി മെമ്മോറിയൽ അവാർഡ് പ്രഖ്യാപിച്ചു. 'കളങ്കാവൽ' എന്ന ചിത്രത്തിന്റെ സംവിധായകൻ ജിതിൻ കെ. ജോസിനാണ് മികച്ച നവാഗത സംവിധായകനുള്ള പുരസ്കാരം. 50,000 രൂപയും ശില്പവും പ്രശംസാപത്രവും അടങ്ങുന്നതാണ് അവാർഡ്.
സംവിധായകൻ മെക്കാർട്ടിൻ ചെയർമാനും, സംവിധായകരായ എം. പദ്മകുമാർ, സുഗീത് എന്നിവർ അംഗങ്ങളുമായ ജൂറിയാണ് പുരസ്കാര ജേതാവിനെ തിരഞ്ഞെടുത്തത്. മലയാള സിനിമയിലെ മികച്ച നവാഗത സംവിധായകർക്ക് എല്ലാ വർഷവും ഈ പുരസ്കാരം നൽകുമെന്ന് ട്രസ്റ്റ് ഭാരവാഹികൾ അറിയിച്ചു.
ജനുവരി 27-ന് വൈകിട്ട് 6.30-ന് എറണാകുളം പ്രൊഡ്യൂസേഴ്സ് അസോസിയേഷൻ ഹാളിൽ വെച്ച് നടക്കുന്ന ചടങ്ങിൽ പുരസ്കാരം കൈമാറും. ഷാഫിയുടെ കുടുംബാംഗങ്ങളും സുഹൃത്തുക്കളും ചലച്ചിത്ര രംഗത്തെ പ്രമുഖരും ചടങ്ങിൽ സംബന്ധിക്കും.
