ഹൃദയാഘാതം മൂലമുള്ള മരണം തടയാൻ ‘ഓട്ടോരക്ഷ’ പദ്ധതിയുമായി രമേഷ് പിഷാരടി എംഎൽഎ 
പുനർജനിക്കാൻ ചൂരൽമല ടൗൺഷിപ്പ് നിർമ്മാണം വേഗത്തിൽ പ്രിയങ്ക ഗാന്ധി 
മൂവാറ്റുപുഴ മോട്ടോർ ആക്സിഡന്റ് ക്ലെയിംസ് ട്രിബ്യൂണലിൽ പുസ്തകങ്ങൾ ബൈൻഡ് ചെയ്യുന്നതിന് ക്വട്ടേഷൻ ക്ഷണിച്ചു 
കൊച്ചിയിൽ ഭക്ഷ്യ ജന്തുജന്യ രോഗങ്ങൾ തടയാൻ വൺ ഹെൽത്ത് 
കാർഷിക യന്ത്രങ്ങൾക്ക് അപേക്ഷിക്കാം 
അസീസ് നെടുമങ്ങാട് ചിത്രം മോഹനവള്ളി യുടെ ചിത്രീകരണം പൂർത്തിയായി ജോർജുകുട്ടി വീണ്ടും വരുന്നു ഉദ്വേഗം നിറച്ച് ദൃശ്യം 3 ട്രെയിലർ, റിലീസ് മെയ് 21 ന്
മലയാളി പ്രേക്ഷകർ ആവേശത്തോടെ കാത്തിരിക്കുന്ന ജീത്തു ജോസഫ് മോഹൻലാൽ ചിത്രം ദൃശ്യം 3 ട്രെയിലർ പുറത്തിറങ്ങി. മെയ് 21 ന് മോഹൻലാലിന്റെ ജന്മദിനത്തിൽ ചിത്രം ആഗോളതലത്തിൽ പ്രദർശനത്തിനെത്തും.
Vazhoor Jose 
കൊച്ചി: മലയാള സിനിമയിൽ വിസ്മയം തീർത്ത ജോർജുകുട്ടിയും കുടുംബവും വീണ്ടും വരുന്നു. ആരാധകർ ആകാംക്ഷയോടെ കാത്തിരുന്ന 'ദൃശ്യം 3' യുടെ ട്രെയിലർ പുറത്തിറങ്ങി. മെയ് 9 ശനിയാഴ്ച നടന്ന ചടങ്ങിൽ ചിത്രത്തിലെ അഭിനേതാക്കളും അണിയറപ്രവർത്തകരും ചേർന്നാണ് ട്രെയിലർ പ്രകാശനം ചെയ്തത്. ആന്റണി പെരുമ്പാവൂർ നിർമ്മിച്ച് ജീത്തു ജോസഫ് തിരക്കഥയെഴുതി സംവിധാനം ചെയ്യുന്ന ചിത്രം മെയ് 21-ന് മോഹൻലാലിന്റെ ജന്മദിനത്തിൽ തിയേറ്ററുകളിലെത്തും.
ഇനിയും അവസാനിക്കാത്ത സംഘർഷങ്ങൾ
ഒരു ദുരന്തത്തിന്റെ നിഴലിൽ ജീവിക്കുന്ന ജോർജുകുട്ടിയുടെയും കുടുംബത്തിന്റെയും പോരാട്ടമാണ് മുൻ ഭാഗങ്ങളെപ്പോലെ മൂന്നാം ഭാഗത്തിലും പ്രമേയമാകുന്നത്. "പോലീസിനും ഈ സൊസൈറ്റിയിലെ നല്ലൊരു ശതമാനം ആളുകൾക്കും ഈ കേസിന്റെ സത്യാവസ്ഥ എന്താണെന്ന് നന്നായിട്ടറിയാം" എന്ന ട്രെയിലറിലെ ഡയലോഗ്, ചിത്രം നൽകുന്ന സസ്പെൻസിന്റെ സൂചനയാണ്. നിയമത്തിന് മുന്നിൽ പിടിക്കപ്പെടാതെ ബുദ്ധിപൂർവ്വം നീങ്ങുന്ന ജോർജുകുട്ടിയെയും അയാളെ പൂട്ടാൻ ശ്രമിക്കുന്ന പോലീസിനെയും ട്രെയിലറിൽ കാണാം.
ജോർജുകുട്ടി എന്ന വിസ്മയം
തന്റെ 48 വർഷത്തെ അഭിനയ ജീവിതത്തിൽ തനിക്ക് ലഭിച്ച ഏറ്റവും രസകരമായ കഥാപാത്രമാണ് ജോർജുകുട്ടിയെന്ന് മോഹൻലാൽ അനുസ്മരിച്ചു. "ആ ക്യാരക്ടർ എന്താണെന്ന് എനിക്ക് പോലും അറിയാത്ത തരത്തിൽ ജോർജുകുട്ടി വേറൊരാളായി മാറി. തന്റെ കുടുംബത്തിന് ഒന്നും സംഭവിക്കില്ലെന്ന ആ ഒറ്റ വാക്കിലാണ് അയാളുടെ ജീവിതം," മോഹൻലാൽ പറഞ്ഞു. ഈ മൂന്നാം ഭാഗത്തിൽ ജോർജുകുട്ടിയുടെ കഥാപാത്രത്തിന് അഭിനയസാധ്യതകൾ ഏറെയുണ്ടെന്ന് സംവിധായകൻ ജീത്തു ജോസഫും വ്യക്തമാക്കി.
ലോകമെമ്പാടുമുള്ള സിനിമ പ്രേക്ഷകരെ ആകർഷിച്ച 'ദൃശ്യം' പരമ്പരയുടെ മൂന്നാം ഭാഗം വലിയ പ്രതീക്ഷയോടെയാണ് സിനിമാലോകം കാത്തിരിക്കുന്നത്. ആഗോളതലത്തിൽ വിവിധ ഭാഷകളിലേക്ക് റീമേക്ക് ചെയ്യപ്പെട്ട ദൃശ്യത്തിന്റെ പുതിയ അധ്യായം കാണാൻ ഇനി ദിവസങ്ങൾ മാത്രം ബാക്കി.
