പത്തു വയസ്സുകാരനെ ലൈംഗികമായി ഉപദ്രവിച്ച കേസിൽ 61 കാരന് അഞ്ചുവർഷം തടവും പിഴയും
എടത്തലയിൽ പത്തു വയസ്സുകാരനെ ലൈംഗികമായി ഉപദ്രവിച്ച കേസിൽ പ്രതിക്ക് അഞ്ചുവർഷം തടവും 25,000 രൂപ പിഴയും ശിക്ഷ വിധിച്ച് ആലുവ ഫാസ്റ്റ് ട്രാക്ക് സ്പെഷ്യൽ കോടതി.
Angel Varghese 
10 വയസ്സുകാരനെ ലൈംഗികമായി ഉപദ്രവിച്ച കേസിൽ 61-കാരന് അഞ്ചുവർഷം തടവും പിഴയും
ആലുവ: പത്തു വയസ്സുകാരനെ ലൈംഗികമായി ഉപദ്രവിച്ച കേസിൽ പ്രതിക്ക് അഞ്ചുവർഷം തടവും 25,000 രൂപ പിഴയും ശിക്ഷ വിധിച്ചു. എടത്തല പൂക്കാട്ടുമുകൾ കുഞ്ഞാട്ടുകര പതനായത്ത് വീട്ടിൽ ഷംസു (61) വിനെയാണ് ആലുവ ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി ഷിബു ഡാനിയേൽ ശിക്ഷിച്ചത്.
2023-ൽ എടത്തല പോലീസ് സ്റ്റേഷനിലാണ് കേസിന് ആസ്പദമായ സംഭവം രജിസ്റ്റർ ചെയ്തത്. ഇൻസ്പെക്ടർ എ.എൻ. ഷാജു അന്വേഷണം നടത്തിയ കേസിൽ പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വ. പി.ജി. യമുന ഹാജരായി.
