കാന്തൻപാറ വെള്ളച്ചാട്ടത്തിൽ കാണാതായ യുവാവിന്റെ മൃതദേഹം കണ്ടെത്തി
വയനാട് കാന്തൻപാറ വെള്ളച്ചാട്ടത്തിൽ ഒഴുക്കിൽപ്പെട്ട് കാണാതായ ചീരാൽ സ്വദേശി അമൽ വിഷ്ണുവിന്റെ മൃതദേഹം ഫയർഫോഴ്സും ജീവൻ രക്ഷാ സമിതിയും ചേർന്ന് കണ്ടെത്തി.
Rajeev 
കാന്തൻപാറ വെള്ളച്ചാട്ടത്തിൽ മുങ്ങിപ്പോയ യുവാവിന്റെ മൃതദേഹം കണ്ടെത്തി
മേപ്പാടി: റിപ്പൺ കാന്തൻപാറ വെള്ളച്ചാട്ടത്തിൽ ഇന്നലെ വൈകിട്ടോടെ കാണാതായ യുവാവിന്റെ മൃതദേഹം കണ്ടെത്തി. ചീരാൽ വെള്ളച്ചാൽ സ്വദേശിയായ വെട്ടുകല്ലിൽ അമൽ വിഷ്ണു (32) ആണ് മരിച്ചത്. കോത്തഗിരിയിലെ ജുവലറിയിൽ റീജനൽ മാനേജറായി ജോലി ചെയ്തു വരികയായിരുന്നു.
സംഭവം നടന്ന ഉടൻ തന്നെ കൽപറ്റയിൽ നിന്നുള്ള ഫയർഫോഴ്സ് സംഘം സ്ഥലത്തെത്തി തിരച്ചിൽ ആരംഭിച്ചിരുന്നു. പ്രദേശത്ത് ശക്തമായ നീരൊഴുക്കുള്ളതിനാൽ ഏറെ പ്രയാസപ്പെട്ടാണ് രക്ഷാപ്രവർത്തനം നടത്തിയത്. തുടർന്ന് രാത്രി ഏഴരയോടെ കൽപറ്റ ഫയർഫോഴ്സും തുർക്കി ജീവൻ രക്ഷാ സമിതി അംഗങ്ങളും ചേർന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്.
നടപടിക്രമങ്ങൾക്ക് ശേഷം മൃതദേഹം ബത്തേരി താലൂക്ക് ആശുപത്രിയിലേക്ക് മാറ്റി.
