ചിന്നക്കനാലിൽ വീട്ടമ്മയുടെ ആത്മഹത്യ ഭർത്താവ് രാജു മുരുകൻ അറസ്റ്റിൽ
ഇടുക്കി ചിന്നക്കനാലിൽ വീട്ടമ്മ ആത്മഹത്യ ചെയ്ത സംഭവത്തിൽ ഭർത്താവിനെ പൊലീസ് അറസ്റ്റ് ചെയ്തു. പോസ്റ്റ്മോർട്ടം റിപ്പോർട്ടിലെ പീഡന വിവരങ്ങളാണ് അറസ്റ്റിലേക്ക് നയിച്ചത്.
Angel Varghese 
ക്രൂരമായ പീഡനം; ചിന്നക്കനാലിൽ വീട്ടമ്മ ആത്മഹത്യ ചെയ്ത സംഭവത്തിൽ ഭർത്താവ് അറസ്റ്റിൽ
ഇടുക്കി: ചിന്നക്കനാലിൽ വീട്ടമ്മ ആത്മഹത്യ ചെയ്ത സംഭവത്തിൽ ഭർത്താവിനെ പൊലീസ് അറസ്റ്റ് ചെയ്തു. നേതാജി കോളനി സ്വദേശി കൗസല്യയുടെ മരണത്തിലാണ് ഭർത്താവ് രാജു മുരുകനെ ശാന്തൻപാറ പൊലീസ് പിടികൂടിയത്. കൗസല്യ നേരിട്ട കടുത്ത ശാരീരിക-മാനസിക പീഡനങ്ങളാണ് ആത്മഹത്യയ്ക്ക് കാരണമെന്ന് വ്യക്തമായതോടെയാണ് നടപടി.
കഴിഞ്ഞ ജനുവരി 27-നാണ് കൗസല്യയെ വീട്ടിൽ മരിച്ച നിലയിൽ കണ്ടെത്തിയത്. വിവാഹം കഴിഞ്ഞ് മൂന്ന് വർഷം മാത്രം പിന്നിടുമ്പോഴാണ് ഈ ദാരുണമായ അന്ത്യം. സംഭവത്തിന് ശേഷം പൊലീസ് നടത്തിയ വിശദമായ അന്വേഷണത്തിലും ബന്ധുക്കളുടെ മൊഴിയിലുമാണ് ഭർത്താവിന്റെ പീഡന വിവരങ്ങൾ പുറത്തുവന്നത്.
പോസ്റ്റ്മോർട്ടം റിപ്പോർട്ടിൽ കൗസല്യയുടെ ശരീരത്തിൽ ശാരീരിക പീഡനമേറ്റതിന്റെ ലക്ഷണങ്ങൾ കണ്ടെത്തിയിരുന്നു. കുടുംബജീവിതത്തിൽ ഇവർക്കിടയിൽ നിരന്തരമായ തർക്കങ്ങളും പ്രശ്നങ്ങളും നിലനിന്നിരുന്നതായി പൊലീസ് അറിയിച്ചു. അറസ്റ്റിലായ രാജു മുരുകനെ കോടതിയിൽ ഹാജരാക്കി റിമാൻഡ് ചെയ്തു.
