ക്ഷേമ പെൻഷൻ വിതരണം ഇന്നുമുതൽ ഓണസമ്മാനമായി 1,105 കോടി അനുവദിച്ചു
സംസ്ഥാനത്ത് അർഹരായവർക്കുള്ള ക്ഷേമ പെൻഷൻ വിതരണം ആഗസ്റ്റ് 19 മുതൽ ആരംഭിച്ചു. സമയബന്ധിതമായി തുക നൽകാൻ 1,105 കോടി രൂപ സർക്കാർ അനുവദിച്ചു.
അനില എം കൃഷ്ണൻ 
ഓണസമ്മാനമായി ക്ഷേമ പെൻഷൻ വിതരണം ഇന്നുമുതൽ; 1,105 കോടി രൂപ അനുവദിച്ചു
തിരുവനന്തപുരം: ഓണാഘോഷങ്ങൾക്ക് മുന്നോടിയായി സംസ്ഥാനത്തെ അർഹരായ ഗുണഭോക്താക്കൾക്കുള്ള ക്ഷേമ പെൻഷൻ വിതരണം ഇന്ന് (ആഗസ്റ്റ് 19) മുതൽ ആരംഭിച്ചു. സമയബന്ധിതമായി പെൻഷൻ തുക വിതരണം ചെയ്യുന്നതിനായി സർക്കാർ 1,105 കോടി രൂപയാണ് അനുവദിച്ചിരിക്കുന്നത്.
പെൻഷൻ കുടിശ്ശികയില്ലാതെ മാസംതോറും കൃത്യമായി ലഭ്യമാക്കുക എന്ന സർക്കാരിന്റെ ഉറച്ച നയത്തിന്റെ ഭാഗമായാണ് നടപടി. സാമ്പത്തിക പ്രയാസങ്ങൾക്കിടയിലും ജനങ്ങളുടെ ക്ഷേമവും സാമൂഹിക സുരക്ഷയും ഉറപ്പാക്കുന്നതിന് പ്രഥമ പരിഗണന നൽകുമെന്നും പെൻഷൻ തുക നേരിട്ടും ബാങ്ക് അക്കൗണ്ടുകൾ വഴിയും ഗുണഭോക്താക്കളിലേക്ക് വേഗത്തിൽ എത്തുമെന്നും അധികൃതർ അറിയിച്ചു.
