കൊച്ചി നെട്ടൂരിൽ പാതിരാത്രി കാറുകൾ തടഞ്ഞ് ഭീതിപ്പെടുത്തിയ യുവാവ് അറസ്റ്റിൽ ദൃശ്യങ്ങൾ പുറത്ത്

കൊച്ചി നെട്ടൂരിൽ രാത്രികാലങ്ങളിൽ വാഹനങ്ങൾ തടഞ്ഞുനിർത്തി യാത്രക്കാരെ ഭയപ്പെടുത്തിയിരുന്ന സനൂപ് അസി എന്ന യുവാവിനെ പനങ്ങാട് പോലീസ് അറസ്റ്റ് ചെയ്തു.

Apr 19, 2026 - 21:14

കൊച്ചി നെട്ടൂരിൽ പാതിരാത്രി കാറുകൾ തടഞ്ഞ് ഭീതിപ്പെടുത്തിയ യുവാവ് അറസ്റ്റിൽ ദൃശ്യങ്ങൾ പുറത്ത്

കൊച്ചി നെട്ടൂരിൽ രാത്രികാലങ്ങളിൽ വാഹനങ്ങൾ തടഞ്ഞുനിർത്തി യാത്രക്കാരെ ഭയപ്പെടുത്തിയിരുന്ന സനൂപ് അസി എന്ന യുവാവിനെ പനങ്ങാട് പോലീസ് അറസ്റ്റ് ചെയ്തു.

നെട്ടൂരിൽ കാറുകൾ തടഞ്ഞ് ഭീകരാന്തരീക്ഷം സൃഷ്ടിച്ച യുവാവ് പിടിയിൽ; നടപടി വീഡിയോ പ്രചരിച്ചതോടെ

കൊച്ചി : രാത്രികാലങ്ങളിൽ റോഡിൽ വാഹനങ്ങൾ തടഞ്ഞുനിർത്തി യാത്രക്കാരെ ഭയപ്പെടുത്തുന്നത് പതിവാക്കിയ യുവാവിനെ പനങ്ങാട് പൊലീസ് അറസ്റ്റ് ചെയ്തു. നെട്ടൂർ സ്വദേശിയായ സനൂപ് അസി എന്നയാളാണ് പിടിയിലായത്. ഇയാൾ കാറുകൾക്ക് മുന്നിലേക്ക് ചാടിവീഴുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതിനെത്തുടർന്നാണ് പോലീസ് നടപടി സ്വീകരിച്ചത്.

നെട്ടൂർ ധന്യാ ജംക്‌ഷൻ കേന്ദ്രീകരിച്ചായിരുന്നു സനൂപിന്റെ അക്രമങ്ങൾ. രാത്രി വൈകി എത്തുന്ന യാത്രക്കാരെയാണ് ഇയാൾ പ്രധാനമായും ലക്ഷ്യം വെച്ചിരുന്നത്. കാറിനുള്ളിൽ നിന്ന് യാത്രക്കാർ പകർത്തിയ ദൃശ്യങ്ങളിൽ, സനൂപ് ഓടിക്കൊണ്ടിരിക്കുന്ന കാറിന് മുന്നിലേക്ക് പെട്ടെന്ന് ചാടുന്നതും റോഡിൽ കിടന്ന് തടസ്സം സൃഷ്ടിക്കുന്നതും വ്യക്തമാണ്. ഭയന്ന യാത്രക്കാർ കാർ റിവേഴ്‌സ് എടുക്കുമ്പോൾ ഇയാൾ കാറിന് നേരെ ആക്രോശിച്ചുകൊണ്ട് നടന്നു വരുന്നതും വീഡിയോയിലുണ്ട്.

"രാത്രി വൈകി കൊച്ചിയിൽ വരുന്നവർ പ്രത്യേകം ശ്രദ്ധിക്കുക" എന്ന മുന്നറിയിപ്പോടെയാണ് ഈ ദൃശ്യങ്ങൾ സോഷ്യൽ മീഡിയയിൽ പ്രചരിച്ചത്. സംഭവം ശ്രദ്ധയിൽപ്പെട്ടതോടെ പനങ്ങാട് എസ്.എച്ച്.ഒയുടെ നേതൃത്വത്തിലുള്ള പോലീസ് സംഘം പ്രതിയെ പിടികൂടുകയായിരുന്നു. കാൽനടയാത്രക്കാരെയും വാഹനയാത്രക്കാരെയും ഒരുപോലെ ഭീതിയിലാഴ്ത്തിയ ഇയാൾക്കെതിരെ ശക്തമായ നിയമനടപടികൾ സ്വീകരിച്ചതായി പോലീസ് അറിയിച്ചു.