കുതിരപ്പുറത്തേറി വിനായകൻ

പെരുന്നാളിലെ മാസ്സ് ലുക്ക് പുറത്ത് ഒരു മെക്സിക്കൻ അപാരതയ്ക്ക് ശേഷം ടോം ഇമ്മട്ടി സംവിധാനം ചെയ്യുന്ന പുതിയ ചിത്രം

Pratheesh Sekhar

Dec 31, 2025 - 12:38 Updated: Dec 31, 2025 - 12:39

104

പെരുന്നാളി'ലെ മാസ്സ് ലുക്ക് പുറത്ത്

കുതിരപ്പുറത്തേറി വിനായകൻ; 'പെരുന്നാളി'ലെ മാസ്സ് ലുക്ക് പുറത്ത്

കൊച്ചി:ഒരു മെക്സിക്കൻ അപാരത'യ്ക്ക് ശേഷം ടോം ഇമ്മട്ടി സംവിധാനം ചെയ്യുന്ന പുതിയ ചിത്രം **'പെരുന്നാളി'**ലെ വിനായകന്റെ ക്യാരക്ടർ പോസ്റ്റർ പുറത്തിറങ്ങി. കുതിരപ്പുറത്ത് ഇരിക്കുന്ന വിനായകന്റെ വേറിട്ട ലുക്കാണ് പോസ്റ്ററിലുള്ളത്. 'ക്രോവേന്മാരും സ്രാപ്പേന്‍മാരും' എന്ന കൗതുകകരമായ ടാഗ്‌ലൈനോടെ എത്തുന്ന ചിത്രം വിനായകന്റെ കരിയറിലെ ശ്രദ്ധേയമായ വേഷങ്ങളിലൊന്നായിരിക്കും.

സൂര്യഭാരതി ക്രിയേഷൻസ്, ജോളിവുഡ് മൂവീസ്, ഇമ്മട്ടി കമ്പനി എന്നിവയുടെ ബാനറിൽ മനോജ് കുമാർ കെ.പി, ജോളി ലോനപ്പൻ, ടോം ഇമ്മട്ടി എന്നിവർ ചേർന്നാണ് ചിത്രം നിർമ്മിക്കുന്നത്. വാഗമണ്ണിലും പരിസരത്തുമായി നടന്ന ആദ്യഘട്ട ചിത്രീകരണം പൂർത്തിയായി. നിലവിൽ സിനിമയുടെ അവസാനഘട്ട ചിത്രീകരണ ജോലികൾ പുരോഗമിക്കുകയാണ്.

ഷൈൻ ടോം ചാക്കോ, വിഷ്ണു ഗോവിന്ദൻ, സാഗർ സൂര്യ, ജുനൈസ്, മോക്ഷ എന്നിവരാണ് ചിത്രത്തിലെ മറ്റ് പ്രധാന താരങ്ങൾ. അരുൺ ചാലിൽ ഛായാഗ്രഹണവും മണികണ്ഠൻ അയ്യപ്പ സംഗീതവും നിർവ്വഹിക്കുന്നു. ചിത്രം 2026-ൽ തിയേറ്ററുകളിലെത്തും.