തുടക്കം
വിസ്മയ മോഹൻലാൽ ചിത്രം തുടക്കം ആകാംക്ഷയുണർത്തി സെക്കൻ്റ് ലുക്ക് പോസ്റ്റർ പുറത്തിറങ്ങി
Vazhoor Jose 
വിസ്മയ മോഹൻലാൽ ചിത്രം 'തുടക്കം': ആകാംക്ഷയുണർത്തി സെക്കൻ്റ് ലുക്ക് പോസ്റ്റർ പുറത്തിറങ്ങി
കൊച്ചി: വിസ്മയ മോഹൻലാൽ വെള്ളിത്തിരയിൽ അരങ്ങേറ്റം കുറിക്കുന്ന 'തുടക്കം' എന്ന ചിത്രത്തിൻ്റെ സെക്കൻ്റ് ലുക്ക് പോസ്റ്റർ പുറത്തുവിട്ടു. സൂപ്പർ ഹിറ്റ് സംവിധായകൻ ജൂഡ് ആന്റണി ജോസഫ് ഒരുക്കുന്ന ഈ ചിത്രത്തിൽ വിസ്മയയ്ക്കൊപ്പം ആശിഷ് ജോ ആന്റണിയും പ്രധാന വേഷത്തിലെത്തുന്നു. വിസ്മയയുടെ വൈകാരികമായ മുഖഭാവമാണ് പോസ്റ്ററിലെ പ്രധാന ആകർഷണം.
പോസ്റ്ററിൽ വിസ്മയയ്ക്ക് മുന്നിലായി നിൽക്കുന്ന താടിവച്ച പുരുഷരൂപം മോഹൻലാലിന്റേതാണോ എന്ന ചർച്ചയിലാണ് ഇപ്പോൾ ആരാധകർ. ചിത്രത്തിൽ മോഹൻലാൽ അതിഥി വേഷത്തിൽ എത്തുന്നുണ്ടോ എന്ന സസ്പെൻസ് നിലനിർത്താൻ അണിയറ പ്രവർത്തകർക്ക് സാധിച്ചിട്ടുണ്ട്.
ആശിർവാദ് സിനിമാസിൻ്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രം ഒരു ഫാമിലി ത്രില്ലറാണ്. മോഹൻലാലിൻ്റെ മാതാവിൻ്റെ വിയോഗത്തെത്തുടർന്ന് നിർത്തിവച്ചിരുന്ന സിനിമയുടെ ചിത്രീകരണം ജനുവരി 18-ന് കുട്ടിക്കാനത്ത് പുനരാരംഭിച്ചു. സായ് കുമാർ, ഗണേഷ് കുമാർ, ബോബി കുര്യൻ തുടങ്ങിയ വലിയ താരനിര തന്നെ ചിത്രത്തിലുണ്ട്. ജെയ്ക്സ് ബിജോയ്സ് സംഗീതവും ജോമോൻ ടി. ജോൺ ഛായാഗ്രഹണവും നിർവ്വഹിക്കുന്നു.
