വൈഗ 2026 സ്റ്റാൾ വാടക നിരക്ക് പുതുക്കി
തിരുവനന്തപുരം ആനയറയിൽ നടക്കുന്ന വൈഗ 2026 (VAIGA) അഗ്രി ട്രേഡ് ഫെയറിനോടനുബന്ധിച്ചുള്ള സ്റ്റാൾ വാടക നിരക്കുകൾ പുതുക്കി. സർക്കാർ സ്ഥാപനങ്ങൾക്ക് സൗജന്യമായി സ്റ്റാളുകൾ ലഭിക്കും. ബുക്കിംഗ് വിവരങ്ങൾ അറിയാം.
Angel Varghese 
വൈഗ 2026: സ്റ്റാൾ വാടക നിരക്കുകൾ പുതുക്കി; സർക്കാർ സ്ഥാപനങ്ങൾക്ക് സൗജന്യം
തിരുവനന്തപുരം: ഫെബ്രുവരി 11 മുതൽ 16 വരെ തിരുവനന്തപുരം ആനയറയിലെ വേൾഡ് മാർക്കറ്റിൽ (AUWM) അരങ്ങേറുന്ന വൈഗ 2026 (VAIGA) കാർഷിക പ്രദർശനത്തിന്റെ സ്റ്റാൾ നിരക്കുകൾ സർക്കാർ പുതുക്കി നിശ്ചയിച്ചു. കൃഷി വകുപ്പിന്റെ നിർദേശപ്രകാരം പുതുക്കിയ നിരക്കുകൾ നിലവിൽ വന്നതായി ഡയറക്ടറേറ്റ് അറിയിച്ചു.
പുതിയ ഉത്തരവ് പ്രകാരം സംസ്ഥാന സർക്കാർ സ്ഥാപനങ്ങൾ, കേന്ദ്ര സർക്കാർ സ്ഥാപനങ്ങൾ, അർദ്ധസർക്കാർ സ്ഥാപനങ്ങൾ, മറ്റ് സംസ്ഥാനങ്ങളിൽ നിന്നുള്ള സർക്കാർ ഏജൻസികൾ എന്നിവർക്ക് സ്റ്റാളുകൾ പൂർണ്ണമായും സൗജന്യമായി അനുവദിക്കും. കാർഷിക മേഖലയിലെ മൂല്യവർദ്ധിത ഉൽപ്പന്നങ്ങളുടെയും സാങ്കേതിക വിദ്യയുടെയും പ്രചാരണം ലക്ഷ്യമിട്ടാണ് ഈ ഇളവ്.
മറ്റ് വിഭാഗങ്ങൾക്കുള്ള പുതുക്കിയ നിരക്കുകൾ താഴെ പറയുന്നവയാണ്:
സ്വകാര്യ സ്ഥാപനങ്ങൾ: ₹20,000
FPO-കൾ / സ്റ്റാർട്ടപ്പുകൾ: ₹15,000
കേരള ഗ്രോ ബ്രാൻഡഡ് ഷോപ്പുകൾ: ₹10,000
ഭിന്നശേഷി വിഭാഗത്തിലെ സംരംഭകർ: ₹10,000
കാർഷിക സംരംഭകത്വം, അഗ്രി സ്റ്റാർട്ടപ്പുകൾ, പ്രോസസ്സിംഗ്, മാർക്കറ്റിംഗ് എന്നിവയ്ക്ക് ഊന്നൽ നൽകുന്ന വൈഗയിൽ അന്താരാഷ്ട്ര തലത്തിലുള്ള സ്ഥാപനങ്ങളും കർഷക കൂട്ടായ്മകളും പങ്കെടുക്കും. സ്റ്റാൾ ബുക്കിംഗ് നടപടികൾ നിലവിൽ പുരോഗമിക്കുകയാണ്. താൽപ്പര്യമുള്ളവർക്ക് 9495038106 എന്ന നമ്പറിൽ ബന്ധപ്പെടാവുന്നതാണ്.
