കേരളത്തിന്റെ വികസനത്തിന് ബാങ്കുകൾ സജീവ പങ്കാളികളാകണം മുഖ്യമന്ത്രി വി.ഡി. സതീശൻ
കേരളത്തിന്റെ സമ്പദ്വ്യവസ്ഥയെ പുതിയ ഉയരങ്ങളിലേക്ക് നയിക്കാൻ ബാങ്കുകൾ മുന്നോട്ട് വരണമെന്ന് സംസ്ഥാനതല ബാങ്കേഴ്സ് സമിതി യോഗത്തിൽ മുഖ്യമന്ത്രി വി.ഡി. സതീശൻ ആവശ്യപ്പെട്ടു.
Mathew P M 
കേരളത്തിന്റെ വികസനത്തിന് ബാങ്കുകൾ സജീവ പങ്കാളികളാകണം: മുഖ്യമന്ത്രി വി.ഡി. സതീശൻ
തിരുവനന്തപുരം: കേരളത്തിന്റെ സമ്പദ്വ്യവസ്ഥയെ പുതിയ ഉയരങ്ങളിലേക്ക് നയിക്കുന്നതിന് ബാങ്കിംഗ് മേഖല കൂടുതൽ സജീവമായ വികസന പങ്കാളികളായി മുന്നോട്ടുവരണമെന്ന് മുഖ്യമന്ത്രി വി.ഡി. സതീശൻ ആവശ്യപ്പെട്ടു. തിരുവനന്തപുരത്ത് നടന്ന സംസ്ഥാനതല ബാങ്കേഴ്സ് സമിതിയുടെ (SLBC) അവലോകന യോഗത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
കഴിഞ്ഞ സാമ്പത്തിക വർഷത്തിൽ കേരളത്തിലെ ബാങ്കിംഗ് മേഖല മികച്ച നേട്ടമാണ് കൈവരിച്ചതെന്ന് മുഖ്യമന്ത്രി ചൂണ്ടിക്കാട്ടി. സംസ്ഥാനത്തിന്റെ ആകെ ബാങ്കിംഗ് ബിസിനസ് 18 ലക്ഷം കോടി രൂപ പിന്നിട്ടിട്ടുണ്ട്. ബാങ്കുകളിലെ ആകെ നിക്ഷേപം 10.62 ലക്ഷം കോടി രൂപയായും വായ്പ വിതരണം 7.74 ലക്ഷം കോടി രൂപയായും ഉയർന്നു.
വാർഷിക വായ്പാ പദ്ധതിയുടെ ലക്ഷ്യം മറികടക്കാൻ കഴിഞ്ഞതും കൃഷി, എംഎസ്എംഇ (MSME) മേഖലകളിലേക്കുള്ള വായ്പാ പ്രവാഹം ശക്തമായി തുടരുന്നതും പ്രശംസനീയമാണ്. എന്നാൽ, സംസ്ഥാനത്തെ ക്രെഡിറ്റ്-ഡെപ്പോസിറ്റ് (CD Ratio) അനുപാതം കുറയുന്നത് ആശങ്കാജനകമാണെന്ന് മുഖ്യമന്ത്രി പറഞ്ഞു. ഈ നിരക്ക് ഉയർത്തുന്നതിനായി ബാങ്കുകൾ കൂടുതൽ ശ്രദ്ധ ചെലുത്തണമെന്നും വായ്പാ വിതരണത്തിൽ സജീവമായി ഇടപെടണമെന്നും അദ്ദേഹം ആവശ്യപ്പെട്ടു
