അമാനുഷികം ചിത്രീകരണം തൃശ്ശൂരിൽ ആരംഭിച്ചു ജോമോൻ ജോഷി നായകനാവുന്ന ഹൊറർ കോമഡി
തൃശ്ശൂരിൽ ചിത്രീകരണം തുടങ്ങിയ അമാനുഷികം സിനിമയുടെ വിശേഷങ്ങൾ. നിതീഷ് കെ. നായർ സംവിധാനം ചെയ്യുന്ന ചിത്രത്തിൽ ജോമോൻ ജോഷി, രജിത് കുമാർ തുടങ്ങിയവർ പ്രധാന വേഷങ്ങളിൽ എത്തുന്നു.
അമാനുഷികം” തൃശ്ശൂരിൽ തുടങ്ങി; ജോമോൻ ജോഷി നായകനാകുന്ന ഹൊറർ-കോമഡി ചിത്രം
തൃശ്ശൂർ: നമോ പിക്ച്ചേഴ്സിന്റെ ബാനറിൽ നിതീഷ് കെ. നായർ സംവിധാനം ചെയ്യുന്ന പുതിയ ചിത്രം “അമാനുഷികം” ചിത്രീകരണം തൃശ്ശൂരിൽ ആരംഭിച്ചു. ബാലതാരമായി പ്രേക്ഷകമനസ്സിൽ ഇടംനേടിയ ജോമോൻ ജോഷി ആദ്യമായി നായകനായി എത്തുന്നു എന്ന പ്രത്യേകതയും ഈ ചിത്രത്തിനുണ്ട്. ഒരു യക്ഷിയുടെ പേരിൽ അറിയപ്പെടുന്ന ഗ്രാമവും അവിടെ അരങ്ങേറുന്ന വിചിത്രമായ സംഭവങ്ങളും പ്രമേയമാക്കിയാണ് സിനിമ ഒരുങ്ങുന്നത്.
ഒരു കാലത്ത് ആണിയടിച്ചു തളച്ച യക്ഷിയെ, ആരോ ആ ആണി ഊരിയതിനെത്തുടർന്ന് ഗ്രാമത്തിൽ സംഭവിക്കുന്ന കോലാഹലങ്ങൾ ഹാസ്യത്തിന്റെ അകമ്പടിയോടെയാണ് ചിത്രം ദൃശ്യവൽക്കരിക്കുന്നത്. ഒരു മുഴുനീള ഹൊറർ-കോമഡി എന്റർടൈനറായിരിക്കും ഇതെന്ന് അണിയറപ്രവർത്തകർ അറിയിച്ചു.
കിരൺ രാജ്, ഡോക്ടർ രജിത് കുമാർ, കുളപ്പുള്ളി ലീല, കുടശ്ശനാട് കനകം, നന്ദ കിഷോർ, കോബ്ര രാജേഷ്, രേണു സുധി, ഗിരീഷ് പെരിഞ്ചേരി തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. സുധീഷ് പെരുമ്പള്ളിയാണ് ചിത്രത്തിന്റെ തിരക്കഥയും സംഭാഷണവും നിർവ്വഹിക്കുന്നത്.
ഛായാഗ്രഹണം: ബിൻസീർ
സംഗീതം: റെജൻ രഘു
ഗാനരചന: അഖിൽ പൊന്നപ്പൻ
എഡിറ്റർ: ആശിഷ് ശിവൻ
നിർമ്മാണം: നമോ പിക്ചേഴ്സ്
ആഗസ്റ്റ് മാസത്തിൽ ചിത്രം തീയേറ്ററുകളിൽ എത്തിക്കാനാണ് ലക്ഷ്യമിടുന്നത്.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
