ചിരഞ്ജീവിയും ബോബി കൊല്ലിയും ചിരു 158 പൂജ ചടങ്ങുകളോടെ ആരംഭിച്ചു, അനശ്വര രാജനും പ്രധാന വേഷത്തിൽ
മെഗാസ്റ്റാർ ചിരഞ്ജീവിയും ബോബി കൊല്ലിയും വീണ്ടും ഒന്നിക്കുന്ന ചിരു 158 സിനിമയുടെ പൂജ ചടങ്ങുകൾ ഹൈദരാബാദിൽ നടന്നു. കെവിഎൻ പ്രൊഡക്ഷൻസ് നിർമ്മിക്കുന്ന ചിത്രത്തിൽ അനശ്വര രാജനും വേഷമിടുന്നു.
Sabari
6
ചിരഞ്ജീവി - ബോബി കൊല്ലി ചിത്രം ‘ചിരു 158’ പൂജ ചടങ്ങുകളോടെ ആരംഭിച്ചു; നിർമ്മാണം കെവിഎൻ പ്രൊഡക്ഷൻസ്
ഹൈദരാബാദ്: മെഗാസ്റ്റാർ ചിരഞ്ജീവിയും സൂപ്പർഹിറ്റ് സംവിധായകൻ ബോബി കൊല്ലിയും വീണ്ടും ഒന്നിക്കുന്ന പുതിയ ചിത്രം പൂജ ചടങ്ങുകളോടെ ആരംഭിച്ചു. താൽക്കാലികമായി 'ചിരുബോബി2', ചിരു158' എന്ന് പേരിട്ടിരിക്കുന്ന ഈ ഹൈ-വോൾട്ടേജ് എന്റർടെയ്നർ മെയ് 21-നാണ് ഔദ്യോഗികമായി ലോഞ്ച് ചെയ്തത്. പ്രശസ്ത പ്രൊഡക്ഷൻ ബാനറായ കെവിഎൻ പ്രൊഡക്ഷൻസിന്റെ ബാനറിൽ വെങ്കട്ട് കെ. നാരായണനാണ് ചിത്രം നിർമ്മിക്കുന്നത്. കന്നഡ, തമിഴ്, ഹിന്ദി ഭാഷകളിൽ നിരവധി വൻകിട പ്രോജക്ടുകൾ സമ്മാനിച്ച കെവിഎൻ പ്രൊഡക്ഷൻസിന്റെ ആദ്യ തെലുങ്ക് സംരംഭം കൂടിയാണ് ഈ ചിത്രം.
പവർ സ്റ്റാർ പവൻ കല്യാൺ, നാഗബാബു എന്നിവർ മുഖ്യാതിഥികളായി എത്തിയ പൂജ ചടങ്ങ് സിനിമാ ലോകത്തെ ഒരു മെഗാ ഇവന്റായി മാറി. മെഗാ ത്രയം ഒന്നിച്ച് വേദി പങ്കിട്ടത് ആരാധകർക്ക് ആവേശം പകരുന്ന കാഴ്ചയായിരുന്നു. പവൻ കല്യാൺ ചിത്രത്തിന്റെ ഫസ്റ്റ് ക്ലാപ്പ് അടിച്ചപ്പോൾ, സുസ്മിത കൊനിഡെല ക്യാമറ സ്വിച്ച് ഓൺ ചെയ്തു. പ്രശസ്ത സംവിധായകൻ വി. വി. വിനായക് ആദ്യ ഷോട്ട് സംവിധാനം ചെയ്തു. ബി. ഗോപാൽ, കോദണ്ടരാമിറെഡ്ഡി, നാഗബാബു എന്നിവർ ചേർന്ന് തിരക്കഥ അണിയറപ്രവർത്തകർക്ക് കൈമാറി. കെവിഎൻ പ്രൊഡക്ഷൻസിൽ നിന്നുള്ള ലോഹിത്തും ചടങ്ങിൽ പങ്കെടുത്തു.
'വാൾട്ടെയർ വീരയ്യ' എന്ന വൻ വിജയത്തിന് ശേഷം ചിരഞ്ജീവിയും ബോബിയും വീണ്ടും ഒന്നിക്കുമ്പോൾ വലിയ പ്രതീക്ഷയിലാണ് പ്രേക്ഷകർ. ജനങ്ങളുടെ സ്പന്ദനം അറിയുന്ന സംവിധായകൻ ബോബി കൊല്ലി, തികച്ചും വിപുലമായ ക്യാൻവാസിലാണ് ഈ ചിത്രം ഒരുക്കുന്നത്. തന്റെ കരിയറിലെ ഏറ്റവും തീവ്രമായ വേഷങ്ങളിലൊന്നിലാണ് ചിരഞ്ജീവി ഇതിൽ പ്രത്യക്ഷപ്പെടുക. ചിത്രത്തിനായി താരം നടത്തിയ ശ്രദ്ധേയമായ ഫിറ്റ്നസ് മേക്കോവർ വീഡിയോ ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു. മലയാളി പ്രേക്ഷകരുടെ പ്രിയനടി അനശ്വര രാജൻ ചിത്രത്തിൽ ഒരു പ്രധാന വേഷത്തിൽ എത്തുന്നു എന്ന പ്രത്യേകതയുമുണ്ട്.
ചിത്രത്തിന്റെ റെഗുലർ ഷൂട്ടിംഗ് നാളെ ഹൈദരാബാദിൽ ആരംഭിക്കും. നേരത്തെ പുറത്തിറങ്ങിയ ആകർഷകമായ കൺസെപ്റ്റ് പോസ്റ്ററും ലുക്ക് ടെസ്റ്റ് ഇമേജും ചിത്രത്തെക്കുറിച്ചുള്ള ആവേശം ഇരട്ടിയാക്കിയിരുന്നു.
ബോബി കൊല്ലി തന്നെ രചനയും സംവിധാനവും നിർവ്വഹിക്കുന്ന ചിത്രത്തിന് തമൻ എസ് ആണ് സംഗീതം പകരുന്നത്. കോന വെങ്കട്ട്, കെ. ചക്രവർത്തി റെഡ്ഡി എന്നിവർ തിരക്കഥയും; ഹരി മോഹന കൃഷ്ണ, വിനീത് പൊട്ലൂരി എന്നിവർ അഡീഷണൽ തിരക്കഥയും ഒരുക്കുന്നു. വിജയ് കാർത്തിക് കണ്ണൻ (ഛായാഗ്രഹണം), ആന്റണി റൂബൻ (എഡിറ്റർ), അവിനാഷ് കൊല്ല (പ്രൊഡക്ഷൻ ഡിസൈൻ), യുഗന്ദർ ടി (വിഎഫ്എക്സ് സൂപ്പർവൈസർ), ഭാനു-നന്ദു (സംഭാഷണം) എന്നിവരാണ് മറ്റ് അണിയറ പ്രവർത്തകർ. ശരണ്യ പൊട്ലയാണ് ചിത്രത്തിന്റെ എക്സിക്യൂട്ടീവ്
