ക്ഷേത്ര അധികാരികൾക്ക് നേരെ ഭീഷണി ആലുവയിൽ വർഗീയ ചേരിതിരിവിന് ശ്രമിച്ച മൂന്നംഗ സംഘം അറസ്റ്റിൽ
ആലുവ തുരുത്തിലെ ക്ഷേത്രത്തിലെ കോളാമ്പി മൈക്ക് അഴിച്ചുമാറ്റണമെന്ന് ആവശ്യപ്പെട്ട് അധികാരികളെ ഭീഷണിപ്പെടുത്തുകയും മതസ്പർദ്ധ വളർത്താൻ ശ്രമിക്കുകയും ചെയ്ത സംഭവത്തിൽ മൂന്ന് പേരെ ആലുവ പോലീസ് അറസ്റ്റ് ചെയ്തു.
ആലുവ: ക്ഷേത്ര അധികാരികളെ ഭീഷണിപ്പെടുത്തുകയും പ്രദേശത്ത് മതസ്പർദ്ധ സൃഷ്ടിക്കാൻ ശ്രമിക്കുകയും ചെയ്ത കേസിൽ മൂന്നുപേരെ ആലുവ പോലീസ് അറസ്റ്റ് ചെയ്തു. കണ്ണമാലി സൂത്തം പറമ്പിൽ പ്രവീൺ ജേക്കബ് (38), മാറമ്പിള്ളി തെക്കയിൽ വീട്ടിൽ മനാഫ് (52), മാറമ്പിള്ളി ചുള്ളിക്കാട് വീട്ടിൽ ഷിയാസ് (38) എന്നിവരെയാണ് പോലീസ് പിടികൂടിയത്.
ബുധനാഴ്ച രാവിലെയായിരുന്നു കേസിനാസ്പദമായ സംഭവം നടക്കുന്നത്. ആലുവ തുരുത്തിലുള്ള ക്ഷേത്രത്തിൽ സ്ഥാപിച്ചിട്ടുള്ള കോളാമ്പി മൈക്ക് അഴിച്ചു മാറ്റണമെന്ന് ആവശ്യപ്പെട്ടാണ് പ്രതികൾ ക്ഷേത്ര ഭാരവാഹികളെ ഭീഷണിപ്പെടുത്തിയത്. ഇത് പ്രദേശത്ത് മനഃപൂർവം വർഗീയ ചേരിതിരിവും മതസ്പർദ്ധയും ഉണ്ടാക്കാനുള്ള ശ്രമമാണെന്ന് കണ്ടെത്തിയതിനെ തുടർന്നാണ് പോലീസ് നടപടി.
ആലുവ ഇൻസ്പെക്ടർ കെ.ജി ഗോപകുമാർ, എസ്.ഐമാരായ ജോസി എം ജോൺസൺ, സജീഷ്, അബ്ദുൾ റഹ്മാൻ, എ.എസ്.ഐമാരായ സ്വപ്ന, അബ്ദുൽ ജലീൽ, സി.പി.ഒമാരായ മുഹമ്മദ് അമീർ, മാഹിൻ ഷാ അബൂബക്കർ, ചന്ദ്രകാന്ത് എന്നിവരടങ്ങിയ അന്വേഷണ സംഘമാണ് പ്രതികളെ അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കും.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
