കേരള മീഡിയ അക്കാദമി പുതിയ സെക്രട്ടറിയായി കെ.ആർ പ്രമോദ് കുമാറും അസിസ്റ്റന്റ് സെക്രട്ടറിയായി എൻ.ബി ബിജുവും ചുമതലയേറ്റു
കേരള മീഡിയ അക്കാദമി പുതിയ സെക്രട്ടറിയായി കെ.ആർ പ്രമോദ് കുമാർ ചുമതലയേറ്റു. അസിസ്റ്റന്റ് സെക്രട്ടറിയായി എൻ ബി ബിജുവും ചുമതലയേറ്റിട്ടുണ്ട്.
Angel Varghese 
കേരള മീഡിയ അക്കാദമി സെക്രട്ടറിയായി കെ.ആർ പ്രമോദ് കുമാർ ചുമതലയേറ്റു; എൻ.ബി ബിജു അസിസ്റ്റന്റ് സെക്രട്ടറി
കൊച്ചി: കേരള മീഡിയ അക്കാദമിയുടെ പുതിയ സെക്രട്ടറിയായി കെ.ആർ പ്രമോദ് കുമാർ ചുമതലയേറ്റു. കോട്ടയം വൈക്കം സ്വദേശിയായ അദ്ദേഹം, ഇൻഫർമേഷൻ - പബ്ലിക് റിലേഷൻസ് വകുപ്പിന്റെ (PRD) കോട്ടയം മേഖലാ ഡെപ്യൂട്ടി ഡയറക്ടറായി പ്രവർത്തിച്ചു വരികയായിരുന്നു.
പി.ആർ.ഡിയിൽ ദീർഘകാലത്തെ പ്രവർത്തന പരിചയമുള്ള പ്രമോദ് കുമാർ ആലപ്പുഴ, ഇടുക്കി ജില്ലകളിൽ ജില്ലാ ഇൻഫർമേഷൻ ഓഫീസറായും, വകുപ്പ് ആസ്ഥാനത്ത് പരസ്യ വിഭാഗം ഇൻഫർമേഷൻ ഓഫീസറായും സേവനമനുഷ്ഠിച്ചിട്ടുണ്ട്. കൂടാതെ പത്രപ്രവർത്തക - പത്രപ്രവർത്തകേതര പെൻഷൻ വിഭാഗം ഡെപ്യൂട്ടി ഡയറക്ടറായും അദ്ദേഹം പ്രവർത്തിച്ചിട്ടുണ്ട്. മുൻപ് മീഡിയ അക്കാദമിയിൽ അസിസ്റ്റൻ്റ് സെക്രട്ടറിയായും അദ്ദേഹം സേവനമനുഷ്ഠിച്ചിട്ടുണ്ട്.
അക്കാദമിയുടെ പുതിയ അസിസ്റ്റന്റ് സെക്രട്ടറിയായി എൻ.ബി ബിജുവും ചുമതലയേറ്റു. എറണാകുളം ജില്ലാ ഇൻഫർമേഷൻ ഓഫീസറായി പ്രവർത്തിച്ചുവരികയായിരുന്നു അദ്ദേഹം. കോട്ടയം കുറവിലങ്ങാട് ഇലക്കാട് സ്വദേശിയാണ്. മാധ്യമ രംഗത്തെയും സർക്കാർ വാർത്താവിനിമയ രംഗത്തെയും ഇവരുടെ ദീർഘനാളത്തെ പ്രവൃത്തിപരിചയം അക്കാദമിയുടെ മുന്നോട്ടുള്ള പ്രവർത്തനങ്ങൾക്ക് കൂടുതൽ കരുത്താകും.
