സാമൂഹിക നീതി സ്ഥാപനങ്ങളുടെ വികസനത്തിന് സി.എസ്.ആർ ഫണ്ട് മന്ത്രി വി.ഇ അബ്ദുൽ ഗഫൂർ
സാമൂഹിക നീതി വകുപ്പ് മന്ത്രി വി.ഇ അബ്ദുൽ ഗഫൂർ കോഴിക്കോട് വെള്ളിമാട്കുന്നിലെ ഗവ. വൃദ്ധ മന്ദിരം, ആശാഭവൻ, പുണ്യഭവൻ എന്നിവ സന്ദർശിച്ചു. അടിസ്ഥാന സൗകര്യ വികസനത്തിന് സിഎസ്ആർ ഫണ്ട് കണ്ടെത്താൻ കോൺക്ലേവ് സംഘടിപ്പിക്കും.
Mathew P M 
കോഴിക്കോട് സാമൂഹിക നീതി വകുപ്പ് സ്ഥാപനങ്ങളിൽ മന്ത്രി വി.ഇ അബ്ദുൽ ഗഫൂർ സന്ദർശനം നടത്തി; അടിസ്ഥാന സൗകര്യ വികസനത്തിന് കോൺക്ലേവ് സംഘടിപ്പിക്കും
കോഴിക്കോട്: സാമൂഹിക നീതി വകുപ്പിന് കീഴിൽ വെള്ളിമാട്കുന്നിൽ പ്രവർത്തിക്കുന്ന വിവിധ സ്ഥാപനങ്ങളിൽ ഫിഷറീസ്-സാമൂഹിക നീതി വകുപ്പ് മന്ത്രി വി.ഇ അബ്ദുൽ ഗഫൂർ സന്ദർശനം നടത്തി. ഗവ. വൃദ്ധ മന്ദിരം, ആശാഭവൻ, പുണ്യഭവൻ എന്നീ സ്ഥാപനങ്ങളാണ് മന്ത്രി സന്ദർശിച്ചത്.
ഈ സ്ഥാപനങ്ങളുടെ അടിസ്ഥാന സൗകര്യ വികസനത്തിന് മുൻഗണന നൽകുമെന്ന് മന്ത്രി അറിയിച്ചു. ഇതിനായി കോർപ്പറേറ്റ് സോഷ്യൽ റെസ്പോൺസിബിലിറ്റി (CSR) ഫണ്ട് സമാഹരിക്കുന്നതിനായി കോഴിക്കോട്ട് പ്രത്യേക കോൺക്ലേവ് സംഘടിപ്പിക്കുമെന്നും അദ്ദേഹം വ്യക്തമാക്കി.
സന്ദർശനത്തിന് ശേഷം സാമൂഹിക നീതി വകുപ്പിലെ വിവിധ പദ്ധതികളുടെ പുരോഗതി വിലയിരുത്തുന്നതിനായി അവലോകന യോഗവും ചേർന്നു. സാമൂഹിക നീതി വകുപ്പ് സെക്രട്ടറി ബി. അബ്ദുൽ നാസർ, ഡയറക്ടർ ഡോ. അരുൺ എസ്. നായർ എന്നിവരും മന്ത്രിയോടൊപ്പം ഉണ്ടായിരുന്നു.
