പൊതുവിദ്യാഭ്യാസത്തിൽ ഡിജിറ്റൽ വേർതിരിവുകൾ ഉണ്ടാകാൻ പാടില്ല മന്ത്രി എൻ. ഷംസുദ്ദീൻ 
പൊതുവിദ്യാലയങ്ങളിൽ 3, 6 ക്ലാസുകളിൽ പ്രത്യേക പഠന വിലയിരുത്തൽ പദ്ധതി മന്ത്രി എൻ. ഷംസുദ്ദീൻ 
ബീമാപള്ളി ഉറൂസ് നവംബർ 11 മുതൽ 21 വരെ 
വെട്ടുകാട് തിരുനാൾ ലഹരി പരിശോധനയും സുരക്ഷയും ശക്തമാക്കുമെന്ന് മന്ത്രി സി പി ജോൺ 
സ്വപ്നങ്ങൾക്ക് ചിറകേറ്റി വിഴിഞ്ഞം ചൈനയിൽ നിന്നുള്ള ആദ്യ ഇറക്കുമതി കണ്ടെയ്നർ തുറമുഖത്ത് 
പരാതി നൽകിയതിലുള്ള പക പോക്സോ കേസ് ഇരയെയും അയൽവാസിയെയും വെട്ടിപ്പരിക്കേൽപ്പിച്ച പ്രതി അറസ്റ്റിൽ പരാതി നൽകിയതിലുള്ള പക പോക്സോ കേസ് ഇരയെയും അയൽവാസിയെയും വെട്ടിപ്പരിക്കേൽപ്പിച്ച പ്രതി അറസ്റ്റിൽ
പെരുമ്പാവൂരിൽ പോക്സോ കേസിൽ ജാമ്യത്തിലിറങ്ങിയ യുവാവ് അതിജീവിതയെയും അയൽവാസിയെയും കുത്തിപ്പരിക്കേൽപ്പിച്ചു; പ്രതി മുഹമ്മദ് അദിനാൻ പോലീസ് പിടിയിൽ.
അനില എം കൃഷ്ണൻ 
പെരുമ്പാവൂരിൽ പോക്സോ കേസ് ഇരയെ വെട്ടിപ്പരിക്കേൽപ്പിച്ചു പ്രതി അറസ്റ്റിൽ
പെരുമ്പാവൂർ: പോക്സോ കേസിൽ ജാമ്യത്തിൽ ഇറങ്ങിയ യുവാവ് അതിജീവിതയെ വീട്ടിൽ അതിക്രമിച്ചു കയറി കൊലപ്പെടുത്താൻ ശ്രമിച്ച സംഭവത്തിൽ പിടിയിലായി. പെരുമ്പാവൂർ അറയ്ക്കപ്പടി പെരുമാനി ഭാഗത്ത് കരുവിള്ളിൽ വീട്ടിൽ മുഹമ്മദ് അദിനാൻ (22) നെയാണ് പെരുമ്പാവൂർ പോലീസ് അറസ്റ്റ് ചെയ്തത്.
തിങ്കളാഴ്ച ഉച്ചയോടെയായിരുന്നു നാടിനെ നടുക്കിയ സംഭവം. പെൺകുട്ടി താമസിക്കുന്ന വീട്ടിൽ അതിക്രമിച്ചു കയറിയ പ്രതി, കുട്ടിയെ ക്രൂരമായി മർദ്ദിക്കുകയും കത്തികൊണ്ട് കുത്തി പരിക്കേൽപ്പിക്കുകയുമായിരുന്നു. അക്രമം തടയാൻ എത്തിയ അയൽവാസിക്കും കുത്തേറ്റിട്ടുണ്ട്.
മുമ്പ് പെൺകുട്ടിയെ ലൈംഗികമായി ഉപദ്രവിച്ച കേസിൽ പോലീസിന്റെ പിടിയിലായ ഇയാൾ റിമാൻഡിലായിരുന്നു. തനിക്കെതിരെ പരാതി നൽകി ജയിലിലടച്ചതിലുള്ള വൈരാഗ്യമാണ് ജാമ്യത്തിലിറങ്ങിയ ശേഷം കൊലപാതകശ്രമത്തിലേക്ക് നയിച്ചതെന്ന് പോലീസ് വ്യക്തമാക്കി.
പെരുമ്പാവൂർ സർക്കിൾ ഇൻസ്പെക്ടർ ജി.പി. മനുരാജ്, എസ്.എച്ച്.ഒ എ. അക്ഷയ് കുമാർ, സബ് ഇൻസ്പെക്ടർ എസ്.എൽ. അർജുൻ, ഗ്രേഡ് എസ്.ഐമാരായ ജോബി ജോർജ്, സുഭാഷ് തങ്കപ്പൻ, സി.പി.ഒ പി.എസ്. സിബിൻ എന്നിവരടങ്ങിയ അന്വേഷണ സംഘമാണ് പ്രതിയെ വലയിലാക്കിയത്.
