കൊച്ചിക്ക് അവഗണന ബജറ്റ് നിരാശാജനകമെന്ന് മേയർ വി.കെ. മിനിമോൾ
കൊച്ചിക്ക് അവഗണന ബജറ്റ് നിരാശാജനകമെന്ന് മേയർ വി.കെ. മിനിമോൾ സംസ്ഥാന ബജറ്റിൽ കൊച്ചി നഗരത്തിന്റെ വികസന ആവശ്യങ്ങൾ അവഗണിക്കപ്പെട്ടതിൽ പ്രതിഷേധവുമായി കൊച്ചി മേയർ
അനില എം കൃഷ്ണൻ 
കൊച്ചിക്ക് അവഗണന; ബജറ്റ് നിരാശാജനകമെന്ന് മേയർ വി.കെ. മിനിമോൾ
കൊച്ചി: സംസ്ഥാന ബജറ്റിൽ കൊച്ചി നഗരത്തിന്റെ വികസന ആവശ്യങ്ങൾ അവഗണിക്കപ്പെട്ടതിൽ പ്രതിഷേധവുമായി കൊച്ചി മേയർ വി.കെ. മിനിമോൾ. മെട്രോ രണ്ടാം ഘട്ടത്തിനായി 79 കോടി രൂപ അനുവദിച്ചത് സ്വാഗതാർഹമാണെങ്കിലും, നഗരത്തിന്റെ ഭാവി വികസനത്തിന് ഊർജം നൽകുന്ന പദ്ധതികളൊന്നും പ്രഖ്യാപിക്കാത്തത് നിരാശാജനകമാണെന്ന് മേയർ പറഞ്ഞു.
കേരളത്തിന് ഏറ്റവും കൂടുതൽ വരുമാനം നൽകുന്ന ജില്ലയായിട്ടും എറണാകുളത്തിന് അതിനനുസരിച്ചുള്ള വിഹിതം ലഭിക്കുന്നില്ല. സംസ്ഥാനത്തിന്റെ സാമ്പത്തിക തലസ്ഥാനം എന്ന നിലയിൽ കൊച്ചിക്ക് പ്രത്യേക പരിഗണന ലഭിക്കേണ്ടതായിരുന്നുവെന്നും മേയർ ചൂണ്ടിക്കാട്ടി.
പ്രധാന വിമർശനങ്ങൾ:
അടിസ്ഥാന സൗകര്യങ്ങളുടെ അഭാവം: അറ്റ്ലാന്റിസ് ഓവർ ബ്രിഡ്ജ്, വാതുരുത്തി ഓവർ ബ്രിഡ്ജ്, നാൽപതടി റോഡ്, ഗോശ്രീ മാമംഗലം റോഡ് തുടങ്ങിയ പ്രധാന പദ്ധതികൾക്ക് തുക വകയിരുത്തിയില്ല.
വെള്ളക്കെട്ട് നിവാരണം: 'ഓപ്പറേഷൻ ബ്രേക്ക് ത്രൂ' പദ്ധതിക്കായി അനുവദിച്ചത് നാമമാത്രമായ തുകയാണ്. പശ്ചിമ കൊച്ചിയിലടക്കം പദ്ധതിയിൽ ഉൾപ്പെടാത്ത കനാലുകളുടെ നവീകരണത്തിന് തുക ലഭിക്കുമെന്ന് പ്രതീക്ഷിച്ചിരുന്നെങ്കിലും അതുണ്ടായില്ല.
പാക്കേജിന്റെ കുറവ്: കാലാവസ്ഥാ വ്യതിയാനവും നഗരം നേരിടുന്ന വെല്ലുവിളികളും പരിഗണിച്ച് പ്രത്യേക സാമ്പത്തിക പാക്കേജ് പ്രഖ്യാപിക്കാത്തത് തിരിച്ചടിയാണ്.
വികസന മുരടിപ്പ് ഒഴിവാക്കാൻ ആവശ്യമായ പദ്ധതികൾ പ്രഖ്യാപിക്കണമെന്നും കൂടുതൽ തുക അനുവദിക്കണമെന്നും ആവശ്യപ്പെട്ട് ധനമന്ത്രിക്ക് കത്ത് നൽകുമെന്നും മേയർ അറിയിച്ചു.
