ശരത്കുമാർ ചിത്രം ആഴി ഫെബ്രുവരി 27 ന് റിലീസ് ചെയ്യും
ശരത്കുമാറിനെ നായകനാക്കി മാധവ് രാമദാസൻ ഒരുക്കുന്ന ആഴി ഫെബ്രുവരി 27 ന് തീയേറ്ററുകളിൽ എത്തും. ചിത്രത്തിൻ്റെ പോസ്റ്റർ പുറത്തുവിട്ടു.
Siva Prasad 
ശരത്കുമാർ-മാധവ് രാമദാസൻ ചിത്രം 'ആഴി' ഫെബ്രുവരി 27-ന് തിയേറ്ററുകളിലേക്ക്; പോസ്റ്റർ പുറത്തിറങ്ങി
കൊച്ചി: 'മേൽവിലാസം', 'അപ്പോത്തിക്കിരി', 'ഇളയരാജ' എന്നീ ശ്രദ്ധേയ ചിത്രങ്ങൾക്ക് ശേഷം മാധവ് രാമദാസൻ സംവിധാനം ചെയ്യുന്ന പുതിയ ചിത്രം 'ആഴി' റിലീസിനൊരുങ്ങുന്നു. തമിഴ് താരം ശരത്കുമാർ നായകനാകുന്ന ചിത്രം ഫെബ്രുവരി 27-ന് തിയേറ്ററുകളിലെത്തും. ചിത്രത്തിൻ്റെ ഔദ്യോഗിക പോസ്റ്റർ നിർമ്മാതാക്കൾ പുറത്തുവിട്ടു.
മാധവ് രാമദാസൻ്റെ ആദ്യ തമിഴ് ചിത്രമെന്ന പ്രത്യേകതയും 'ആഴി'ക്കുണ്ട്. 888 പ്രൊഡക്ഷൻസിൻ്റെയും സെല്ലുലോയ്ഡ് ക്രിയേഷൻസിൻ്റെയും ബാനറിൽ സജിത് കൃഷ്ണനാണ് ചിത്രം നിർമ്മിക്കുന്നത്. ശരത്കുമാറിനെ കൂടാതെ ദേവിക സതീഷ്, ഇന്ദ്രജിത്ത് ജഗജിത്ത്, താമരൈ സെൽവി, വൈയാപുരി, ശ്രീജിത്ത് രവി തുടങ്ങിയവരും പ്രധാന വേഷങ്ങളിൽ എത്തുന്നു.
ഓസ്കാർ ജേതാവ് റസൂൽ പൂക്കുട്ടിയാണ് ചിത്രത്തിൻ്റെ സൗണ്ട് ഡിസൈൻ നിർവ്വഹിക്കുന്നത്. ജാസി ഗിഫ്റ്റ് സംഗീതസംവിധാനവും ആനന്ദ് എൻ നായർ ഛായാഗ്രഹണവും നിർവ്വഹിക്കുന്നു. തമിഴ്നാട്ടിൽ ഉത്രാ പ്രൊഡക്ഷൻസും കേരളത്തിൽ ഗുഡ് സെലക്ഷനുമാണ് ചിത്രം വിതരണത്തിനെത്തിക്കുന്നത്.
