മുണ്ടത്തിക്കോട് വെടിക്കെട്ട് അപകടം: സിനിമ മേക്കപ്പ് ആർട്ടിസ്റ്റ് ബിജീഷ് ബാലൻ അന്തരിച്ചു

തൃശൂർ മുണ്ടത്തിക്കോട് വെടിക്കെട്ട് അപകടത്തിൽ സിനിമ ചമയ കലാകാരൻ ബിജീഷ് ബാലൻ അന്തരിച്ചു. സംഭവത്തിൽ ജസ്റ്റിസ് സി.എൻ. രാമചന്ദ്രൻ നായരുടെ നേതൃത്വത്തിൽ ജുഡീഷ്യൽ അന്വേഷണം പ്രഖ്യാപിച്ചു.

അനില എം കൃഷ്ണൻ

Apr 23, 2026 - 07:51

മുണ്ടത്തിക്കോട് വെടിക്കെട്ട് അപകടം: ചലച്ചിത്ര മേക്കപ്പ് ആർട്ടിസ്റ്റ് ബിജീഷ് ബാലൻ അന്തരിച്ചു; ജുഡീഷ്യൽ അന്വേഷണം പ്രഖ്യാപിച്ചു

തൃശൂർ: മുണ്ടത്തിക്കോട് വെടിക്കെട്ട് അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ഫെഫ്ക ഓൾ കേരള മേക്കപ്പ് ആൻഡ് ഹെയർ സ്റ്റൈലിസ്റ്റ് യൂണിയൻ അംഗം ബിജീഷ് ബാലൻ അന്തരിച്ചു. മലയാള സിനിമയിലെ സജീവ സാന്നിധ്യമായിരുന്ന ബിജീഷിന്റെ വിയോഗം ചലച്ചിത്ര ലോകത്തെ ഒന്നടങ്കം ദുഃഖത്തിലാഴ്ത്തി. ഒട്ടേറെ പ്രമുഖ സിനിമകളിൽ ചമയ കലാകാരനായി ബിജീഷ് പ്രവർത്തിച്ചിട്ടുണ്ട്.

14 പേരുടെ ദാരുണാന്ത്യത്തിന് കാരണമായ മുണ്ടത്തിക്കോട് സ്ഫോടനത്തെ 'സവിശേഷ ദുരന്ത'മായി സംസ്ഥാന മന്ത്രിസഭാ യോഗം പ്രഖ്യാപിച്ചു. ദുരന്തത്തിന്റെ ഗൗരവം കണക്കിലെടുത്ത് സംഭവത്തിൽ ജുഡീഷ്യൽ അന്വേഷണത്തിന് സർക്കാർ ഉത്തരവിട്ടു. റിട്ടയേർഡ് ജസ്റ്റിസ് സി.എൻ. രാമചന്ദ്രൻ നായരാണ് അന്വേഷണ കമ്മീഷൻ. സ്ഫോടനത്തിന്റെ കാരണങ്ങൾ, സുരക്ഷാ വീഴ്ചകൾ തുടങ്ങിയ കാര്യങ്ങൾ കമ്മീഷൻ വിശദമായി പരിശോധിക്കും.. അപ്രതീക്ഷിതമായ ഈ വേർപാട് സിനിമാ മേഖലയ്ക്ക് വലിയൊരു നഷ്ടമാണെന്ന് സഹപ്രവർത്തകർ അനുസ്മരിച്ചു.