ഉപ്പുകണ്ടം ഫെസ്റ്റ് 2026
പുതുവർഷത്തെ വരവേൽക്കാൻ ഉപ്പുകണ്ടം ഫെസ്റ്റ് ഡിസംബർ 28 ന് മൂവാറ്റുപുഴ ,ആരക്കുഴ ഉപ്പുകണ്ടം പൗരാവലി ഒരുങ്ങുന്നു.
അനില എം കൃഷ്ണൻ 
പുതുവർഷത്തെ വരവേൽക്കാൻ ഉപ്പുകണ്ടം ഫെസ്റ്റ് 28-ന്
കായിക മത്സരങ്ങളും ഗാനമേളയും പ്രധാന ആകർഷണങ്ങൾ
ആരക്കുഴ: കൊഴിഞ്ഞുപോകുന്ന 2025-ന്റെ മധുരസ്മരണകൾ പുതുക്കി, പുതിയ പ്രതീക്ഷകളുമായി 2026-നെ വരവേൽക്കാൻ മൂവാറ്റുപുഴ, ആരക്കുഴ ഉപ്പുകണ്ടം പൗരാവലി ഒരുങ്ങുന്നു. പൗരാവലിയുടെ ആഭിമുഖ്യത്തിൽ 'ഉപ്പുകണ്ടം ഫെസ്റ്റ് 2026' ഡിസംബർ 28 ഞായറാഴ്ച ഉപ്പുകണ്ടം അംഗൻവാടിക്ക് സമീപം വെച്ച് വിപുലമായ പരിപാടികളോടെ നടത്തപ്പെടും.
ഞായറാഴ്ച രാവിലെ 8 മണി മുതൽ വിവിധ കായിക മത്സരങ്ങളോടെ ആഘോഷങ്ങൾക്ക് തുടക്കമാകും. വൈകുന്നേരം 6 മണിക്ക് നടക്കുന്ന പൊതുസമ്മേളനം ആരക്കുഴ പഞ്ചായത്ത് പ്രസിഡന്റ് ഉദ്ഘാടനം ചെയ്യും. ചടങ്ങിൽ ശ്രീ. അരുൺ ഒ.എസ് അധ്യക്ഷത വഹിക്കും.
തുടർന്ന് നിരവധി കലാകാരന്മാർ അവതരിപ്പിക്കുന്ന വൈവിധ്യമാർന്ന കലാപരിപാടികൾ അരങ്ങേറും. രാത്രി 9 മണിക്ക് പാലാ കമ്മ്യൂണിക്കേഷൻസ് അവതരിപ്പിക്കുന്ന സൂപ്പർഹിറ്റ് ഗാനമേളയും ഉണ്ടായിരിക്കും. മത്സരങ്ങളിൽ വിജയികളാകുന്നവർക്ക് നിരവധി ആകർഷകമായ സമ്മാനങ്ങളാണ് കാത്തിരിക്കുന്നത്. ഫെസ്റ്റ് വൻ വിജയമാക്കാൻ എല്ലാ നാട്ടുകാരുടെയും സഹകരണം അഭ്യർത്ഥിക്കുന്നതായി സംഘാടക സമിതി അറിയിച്ചു.
