നടൻ പ്രദീപ് റാവത്ത് അന്തരിച്ചു

ഗജിനി'യിലെ വില്ലൻ കഥാപാത്രത്തിലൂടെ ശ്രദ്ധേയനായ നടൻ പ്രദീപ് റാവത്ത് അന്തരിച്ചു

മുംബൈ: 'ഗജിനി' ഉൾപ്പെടെയുള്ള ജനപ്രിയ ചിത്രങ്ങളിലൂടെയും മഹാഭാരതം ടെലിവിഷൻ പരമ്പരയിലൂടെയും പ്രേക്ഷകർക്ക് പ്രിയങ്കരനായ പ്രമുഖ നടൻ പ്രദീപ് റാവത്ത് (74) അന്തരിച്ചു. കാൻസർ ബാധിതനായി ചികിത്സയിലായിരിക്കെ മുംബൈയിലായിരുന്നു അന്ത്യം.

​മൂന്ന് പതിറ്റാണ്ടിലേറെ നീണ്ട അഭിനയ ജീവിതത്തിൽ ഹിന്ദി, തെലുങ്ക്, തമിഴ്, കന്നഡ, മലയാളം ഉൾപ്പെടെയുള്ള വിവിധ ഭാഷാ ചിത്രങ്ങളിൽ അദ്ദേഹം സജീവ സാന്നിധ്യമായിരുന്നു.

​2005-ൽ പുറത്തിറങ്ങിയ 'ഗജിനി' എന്ന തമിഴ് ചിത്രത്തിലെ വില്ലൻ കഥാപാത്രത്തിലൂടെയാണ് പ്രദീപ് റാവത്ത് ചലച്ചിത്ര ലോകത്ത് തന്റേതായ ഇടം ഉറപ്പിച്ചത്. തുടർന്ന് 2008-ൽ ആമിർ ഖാൻ നായകനായ ഇതേ ചിത്രത്തിന്റെ ഹിന്ദി റീമേക്കിലും വില്ലനായി അഭിനയിക്കാൻ അദ്ദേഹത്തെ ക്ഷണിക്കുകയായിരുന്നു. 2001-ൽ റിലീസ് ചെയ്ത സൂപ്പർഹിറ്റ് ചിത്രം 'ലഗാൻ' ഉൾപ്പെടെയുള്ള സിനിമകളിൽ ആമിർ ഖാനോടൊപ്പം പ്രദീപ് റാവത്ത് പ്രവർത്തിച്ചിട്ടുണ്ട്.

​1985-ൽ പുറത്തിറങ്ങിയ 'മേരി ജംഗ്' എന്ന ചിത്രത്തിലൂടെയാണ് പ്രദീപ് റാവത്ത് ചലച്ചിത്രരംഗത്ത് അരങ്ങേറ്റം കുറിക്കുന്നത്. ബി.ആർ. ചോപ്രയുടെ പ്രശസ്തമായ 'മഹാഭാരതം' ടെലിവിഷൻ പരമ്പരയിൽ ദ്രോണാചാര്യരുടെ മകനായ അശ്വത്ഥാമാവിന്റെ വേഷമാണ് അദ്ദേഹത്തിന് രാജ്യമെമ്പാടും വലിയ ജനപ്രീതി നേടിക്കൊടുത്തത്.