നീതിക്കായി മധുവിൻ്റെ കുടുംബം പൂർണ്ണ പിന്തുണയുമായി മുഖ്യമന്ത്രി വി.ഡി. സതീശൻ
അട്ടപ്പാടിയിൽ ആൾക്കൂട്ട ആക്രമണത്തിൽ കൊല്ലപ്പെട്ട മധുവിൻ്റെ അമ്മയും സഹോദരിയും നിയമസഭയിലെത്തി മുഖ്യമന്ത്രി വി.ഡി. സതീശനെ കണ്ടു. കേസ് നടത്തിപ്പിൽ സർക്കാരിൻ്റെ പൂർണ്ണ പിന്തുണ ഉറപ്പുനൽകിയ മുഖ്യമന്ത്രി, മുൻ സർക്കാർ വാഗ്ദാനം ചെയ്ത വീട് നൽകുന്ന കാര്യത്തിൽ അടിയന്തര നടപടി സ്വീകരിക്കുമെന്നും അറിയിച്ചു.
Mathew P M 
മധുവിൻ്റെ കുടുംബത്തിന് പൂർണ്ണ പിന്തുണയുമായി സർക്കാർ; മുഖ്യമന്ത്രി വി.ഡി. സതീശനുമായി കൂടിക്കാഴ്ച നടത്തി
തിരുവനന്തപുരം: അട്ടപ്പാടിയിൽ ആൾക്കൂട്ട മർദ്ദനത്തിന് ഇരയായി കൊല്ലപ്പെട്ട മധുവിൻ്റെ കുടുംബത്തിന് നിയമപോരാട്ടത്തിൽ സർക്കാരിൻ്റെ പൂർണ്ണ പിന്തുണ ഉറപ്പുനൽകി മുഖ്യമന്ത്രി വി.ഡി. സതീശൻ. മധുവിൻ്റെ മാതാവ് മല്ലിയും സഹോദരി സരസുവും നിയമസഭാ മന്ദിരത്തിലെത്തി മുഖ്യമന്ത്രിയെ സന്ദർശിച്ചപ്പോഴാണ് അദ്ദേഹം ഈ ഉറപ്പ് നൽകിയത്. കേസിൻ്റെ നിലവിലെ അവസ്ഥയും കുടുംബം നേരിടുന്ന ബുദ്ധിമുട്ടുകളും അവർ മുഖ്യമന്ത്രിയെ ധരിപ്പിച്ചു.
കഴിഞ്ഞ സർക്കാർ വീട് നിർമ്മിച്ച് നൽകുമെന്ന് വാഗ്ദാനം ചെയ്തിരുന്നെങ്കിലും അത് ഇതുവരെ പാലിക്കപ്പെട്ടിട്ടില്ലെന്ന സങ്കടം മധുവിൻ്റെ മാതാവ് മുഖ്യമന്ത്രിക്ക് മുന്നിൽ ഉന്നയിച്ചു. വിഷയം ഗൗരവമായി പരിശോധിക്കുമെന്നും അടിയന്തര നടപടികൾ സ്വീകരിച്ച് വീട് ലഭ്യമാക്കുമെന്നും മുഖ്യമന്ത്രി കുടുംബത്തിന് ഉറപ്പുനൽകി. മധുവിന് നീതി ഉറപ്പാക്കാൻ സർക്കാർ ഒപ്പമുണ്ടാകുമെന്നും അദ്ദേഹം കൂട്ടിച്ചേർത്തു.
