ശേഷം 2016 മാർച്ച് 6 ന് തിയേറ്ററുകളിൽ ഒരു ഇൻവെസ്റ്റിഗേഷൻ ത്രില്ലർ

യുവതാരങ്ങൾ ഒന്നിക്കുന്ന ഇൻവെസ്റ്റിഗേഷൻ ത്രില്ലർ 'ശേഷം 2016'; മാർച്ച് 6-ന് തിയേറ്ററുകളിലേക്ക്

​കൊച്ചി: യുവ കന്നഡ സംവിധായകൻ പ്രദീപ് അരസിക്കരെ മലയാളത്തിലും കന്നഡയിലുമായി ഒരുക്കുന്ന ദ്വിഭാഷാ ചിത്രം 'ശേഷം 2016' മാർച്ച് 06-ന് പ്രദർശനത്തിനെത്തുന്നു. കേരള-കർണാടക അതിർത്തി ഗ്രാമത്തിൽ അരങ്ങേറുന്ന ദുരൂഹമായ കൂട്ടക്കൊലപാതകങ്ങളുടെ പശ്ചാത്തലത്തിലുള്ള ഒരു ഇൻവെസ്റ്റിഗേഷൻ ക്രൈം ത്രില്ലറാണിത്.

​മറാടിഗുഡ്ഡ എന്‍റര്‍ടെയ്ന്‍‍മെന്‍റിന്‍റെ ബാനറിൽ മഞ്ജു വാണി വി.എസ്, വീണ എസ് എന്നിവർ ചേർന്നാണ് ചിത്രം നിർമ്മിക്കുന്നത്. "പോലീസിന് മാത്രം... ജനങ്ങൾക്ക് മറ്റൊരു ഓപ്ഷൻ ഇല്ല..." എന്ന ശ്രദ്ധേയമായ ടാഗ്‌ലൈനോടെ എത്തുന്ന ചിത്രം, നിയമവ്യവസ്ഥയിൽ നിന്നും നീതി നിഷേധിക്കപ്പെടുന്നവരുടെ പ്രതികരണത്തെയും പ്രതികാരത്തെയുമാണ് ദൃശ്യവൽക്കരിക്കുന്നത്.

​താരനിരയും അണിയറപ്രവർത്തകരും

മലയാളത്തിലെയും കന്നഡയിലെയും പ്രമുഖ താരങ്ങൾ അണിനിരക്കുന്ന ചിത്രത്തിൽ ജോൺ കൈപ്പള്ളി, ഡെയിന്‍ ഡേവിസ്, രാജീവ് പിള്ള, ശ്രീജിത്ത് രവി, സിദ്ധാർഥ് ശിവ എന്നിവർക്കൊപ്പം കന്നഡ താരങ്ങളായ പ്രമോദ് ഷെട്ടി, ദേവരാജ്, അർച്ചന കൊറ്റിഗേ തുടങ്ങിയവരും പ്രധാന വേഷങ്ങളിലെത്തുന്നു.

​തിരക്കഥ: പ്രദീപ് അരസിക്കരെ, രാഘവേന്ദ്ര മയ്യ.

​ഛായാഗ്രഹണം: ആനന്ദകുമാർ.

​സംഗീതം: പൂര്‍ണചന്ദ്ര തേജസ്വി.

​എഡിറ്റിംഗ്: അയൂബ് ഖാൻ.

​ലിതിൻ ലോഹിതാക്ഷൻ നായർ സംഭാഷണവും ചീഫ് അസോസിയേറ്റ് ഡയറക്ടർ ചുമതലയും നിർവഹിക്കുന്നു. വിനോദ് പി. ശിവറാം (സൗണ്ട് ഡിസൈൻ), അനീഷ് പെരുമ്പിലാവ് (പ്രൊഡക്ഷൻ കൺട്രോളർ) എന്നിവരാണ് മറ്റ് പ്രധാന അണിയറ പ്രവർത്തകർ